Зимни санҷиши дорухонаҳои ноҳияи Панҷ камбудию норасоиҳо ошкор гардиданд
ДУШАНБЕ 28.02.2018 /АМИТ «Ховар»/. Бо мақсади пешгирии вайронкунии қонунҳо дар самти ҳифзи саломатии аҳолӣ мутахассисони Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон бо соҳибкорони соҳаи фармасевтӣ ва табибони сохтори госпиталии ноҳияи Панҷ вохӯрӣ намуданд.
Тавре ба мухбири АМИТ «Ховар» аз Мақомоти иҷроияи ҳокимияти давлатии вилояти Хатлон хабар доданд, дар вохӯрӣ намояндагони Хадамоти мазкур масъалаи тағйиру иловаҳоеро, ки ба Кодекси ҳуқуқвайронкунии Ҷумҳурии Тоҷикистон ворид шуда буданд, мавриди баррасӣ қарор доданд.
Зикр карда шуд, ки бо супориши Президенти мамлакат ҷазо дар самти вайрон намудани қонунгузорӣ вобаста ба воридоти маводи дорувории бесифат, ба талабот ҷавобгӯй набуда ва ба фурӯш баровардани онҳо пурзӯр карда шудааст. Аз ин хотир масъулинро зарар аст, ки назоратро дар ин самт бештар намуда, ба сатҳу сифати хизматрасонӣ диққати ҷиддӣ диҳанд.
Мақсад аз ворид намудани тағйиру иловаҳо ба қонунгузорӣ дар самти хизматрасонии тиббӣ- ин пешгирии ҷиноят, баланд бардоштани сатҳу сифати хизматрасонӣ ва ҳифзи саломатии аҳолӣ мебошад.
Ҳамчунин мутахассисони сарраёсат вобаста ба камбудию норасоиҳое, ки зимни санҷиш дар дорухонаҳои ноҳияи Панҷ ошкор гардиданд, бо мудирони дорухона суҳбат карданд. Ба мудирон тавсия дода шуд, ки дар муҳлати кӯтоҳ камбудиҳои ошкоршударо бартараф намоянд.
Нисбат ба он дорухонаҳое, ки дар онҳо камбудиҳо ошкор шудаанд, санадҳои маъмурӣ тартиб дода шуданд. Ҳамзамон нисбат ба мудирони ин дорухонаҳо парвандаҳои маъмурӣ тартиб дода шуда, онҳо ба ҷавобгарии маъмурӣ кашида мешаванд.
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
