Дар Душанбе Рӯзҳои Донишкадаи давлатии умумироссиягии кинематография баргузор мегарданд
ДУШАНБЕ, 09.03.2019 /АМИТ «Ховар»/. Шурӯъ аз 11 марти соли равон дар шаҳри Душанбе бахшида ба ҷашни 100-солагии Донишкадаи давлатии умумироссиягии кинематография ба номи С. А. Герасимов «Рӯзҳои ДДУК (ВГИК) дар Ҷумҳурии Тоҷикистон» баргузор мегарданд. Дар ин бора аз Донишкадаи давлатии фарҳанг ва санъати Тоҷикистон ба номи Мирзо Турсунзода ба АМИТ «Ховар» хабар доданд.
Бино ба иттилои манбаъ, дар доираи «Рӯзҳои ДДУК (ВГИК) дар Ҷумҳурии Тоҷикистон» Созишномаи ҳамкорӣ байни Донишкадаи мазкур ва Донишкадаи давлатии фарҳанг ва санъати Тоҷикистон ба имзо мерасад. Ҳамчунин дар ин рӯзҳо консерти муштараки донишҷӯён таҳти унвони «Дӯстӣ», намоиши беҳтарин филмҳои хатмкардагон ва донишҷӯёни ДДУК дар кинотеатрҳои «Ватан», «Зебуниссо» ва толори «Арғунун»-и Донишкадаи давлатии фарҳанг ва санъат, намоишномаи «Эдип», филмҳои кӯтоҳметражи донишҷӯён аз кишварҳои Тоҷикистон, Россия, Афғонистон, Ӯзбекистон, Қазоқистон, Қирғизистон ба нақша гирифта шудааст.
Бояд гуфт, ки нақши Донишкадаи давлатии умумироссиягии кинематография ба номи С. А. Герасимов дар рушди санъати кинои тоҷик хеле бузург аст. Асарҳои офаридаи хатмкардагони ДДУК дар сатҳи ҷаҳонӣ эътироф гардида, бо ҷоизаю шоҳҷоизаҳо қадрдонӣ шудаанд. Дастпарварони ин муассисаи таҳсилоти олии касбӣ поягузорони мактаби кинематографистӣ дар Тоҷикистон маҳсуб меёбанд. Таҳти роҳбарии онҳо аввалин наворбардорони тоҷик Файзулло Эшонов, Қутбиддин Олимӣ, Нарзулло Тиллоев ба фаъолият шурӯъ намуда, тавассути асарҳои баландмазмуни худ завқи маънавию зебоипарастии ҷавононро баланд бардоштанд. Дастпарвари дигари ВГИК Борис Кимёгаров яке аз коргардонҳои маъруфи кишвар ба шумор рафта, дар эҳёи дубораи «Тоҷикфилм» саҳми назаррас гузоштааст. Филмҳои беҳтарини ӯ «Қисмати шоир», «Ҳасани аробакаш», «Дохунда», «Рустам ва Сӯҳроб», «Достони Сиёвуш» шуҳрати беандоза касб намуда, обрӯю нуфузи Тоҷикистонро дар ҷаҳон баланд бардоштанд.
Ёдовар мешавем, ки «Рӯзҳои ДДУК дар Ҷумҳурии Тоҷикистон» аз 11 то 15 март идома ёфта, дар доираи он меҳмонон аз Қалъаи Ҳисор, Кохи Наврӯз ва Осорхонаи миллӣ дидан хоҳанд кард.
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
