ФЕСТИВАЛИ 8-УМИ БАЙНАЛМИЛАЛИИ САНЪАТИ СИРК ДАР ИСПАНИЯ. Ҳунарманди ҷавони Сирки тоҷик Муҳаммад Шарифзода дар он соҳиби ҷоиза гардид!
ДУШАНБЕ, 06.03.2019 /АМИТ «Ховар»/. Ҳунарманди ҷавони Сирки тоҷик Муҳаммад Шарифзода дар Фестивали 8-уми байналмилалии санъати сиркӣ «Фили тиллоӣ» (8th International Circus Festival Gold Elephant in Gironа) иштирок карда, Ҷоизаи махсуси мунаққидонро ба даст овард. Тавре хабарнигори АМИТ «Ховар» иттилоъ медиҳад, фестивали мазкур рузҳои 14-19 феврали соли 2019 дар шаҳри Жиронаи Испания баргузор гардид.
Медалҳои тиллои ин ҷашнвораро ҳунармандони Муғулистон, Ҷумҳурии Халқӣ-Демократии Корея, Колумбия ва Япония соҳиб шуданд. Чаҳор ҷои дуюм насиби ҳунармандони Чин, ИМА, Ветнам ва Украина гардиданд. Ҳамаи медалҳои биниҷиро артистони Сирки Россия ба даст оварданд.
Тавре аз Вазорати фарҳанги Ҷумҳурии Тоҷикистон ба АМИТ «Ховар» хабар доданд, ҳунарманди ҷавони Сирки тоҷик Муҳаммад Шарифзода дар ин ҷашнвора соҳиби Ҷоизаи махсуси мунаққидон гардид. Қобили зикр аст, ки ӯ ҳамагӣ як сол пеш баъди хатми омӯзишгоҳ дар Сирки давлатии Тоҷикистон ба фаъолият шурӯъ кард, вале дар муддати кӯтоҳ дар ду фестивали байналмилалӣ карда, ду ҷоиза ба даст овад.
Муҳаммад Шарифзода
Дар Фестивали байналмилалии «Фили тиллоӣ» дар Испания Муҳаммад Шарифзода маҳорати худро дар жанри эквилибр нишон дод. Ба ӯ бар замми ҷоизаи номбурда боз ду туҳфаи дигар — Ҷоизаи махсус аз Ҷумҳурии Муғулистон ва Ҷоизаи махсус аз Федератсияи Россия супорида шуданд.
Сиркбози ҷавон мегӯяд, ки соли дуюми таҳсил, вақте интихоби равия ва жанрҳои сиркӣ пеш омад, ӯ маҳз жанри эквилибрро пеша кард. «Ба ман гуфтанд, ки ин жанр мушкил аст ва ҳар кас аз уҳдааш намебарояд ва барои ҳамин нафарони кам онро интихоб мекунанд. Дар вақти омӯзиш ва тамрин чандин бор ҷароҳатҳо бардоштаам. Аммо ман аз роҳ нагаштам, чунки ин жанр бароям писанд аст», — мегӯяд Муҳаммад.
Тавре хабарнигори АМИТ «Ховар» маълумот додааст, эквилибр яке аз жанрҳои санъати сирк ва як навъи дорбозӣ буда, дар он ҳунарманд маҳорати худро дар нигоҳ дошта тавонистани мувозина дар болои чизи ноустувор (болои тор, курсӣ, тӯб, сар, даст ва ғайра) намоиш медиҳад.
Хотиррасон менамоем, ки дар 8-умин Фестивали байналмилалии сиркӣ «Фили тиллоӣ» 78 нафар сиркбозон аз 12 давлати дунё, мисли Россия, Чин, Украина, Бразилия, Колумбия, Япония, ИМА, Муғулистон, Чили, Ветнам, Эфиопия ва дигар кишварҳо иштирок намуданд. Ин яке аз ҷашвораҳои дар ҷаҳон машҳури сирк буда, ҳашт сол муқаддам дар шаҳри Фигерес (Каталония) таъсис ёфта буд, вале се соли охир дар шаҳри Жирони Испания доир карда мешавад.
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
