Ифтитоҳи Маҷмааи хизматрасонии «Баҳор» дар маркази шаҳри Бӯстон
ДУШАНБЕ, 30.03.2019 /АМИТ «Ховар»/. Дар маркази шаҳри Бӯстони вилояти Суғд бо иштироки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷиистон муҳтарам Эмомалӣ Раҳмон Маҷмааи нави хизматрасонии «Баҳор» мавриди баҳрабардорӣ қарор дода шуд.
Корҳои сохтмонӣ моҳи сентябри соли 2017 оғоз гардида, иншоот аз тарафи соҳибкорони маҳаллӣ Мадина Самандарова ва Икром Содиқов сохта шудааст. Ошёнаи якуми маҷмааи хизматрасонӣ барои кошонаи ҳусн ва маркази савдо, ошёнаи дуюм барои тарабхона ва ошёнаи сеюм барои меҳмонхона пешбинӣ гардидааст.
Меҳмонхонаи маҷмааи хизматрасонӣ бо 18 ҳуҷра метавонад дар як вақт то 36 нафарро қабул намояд.
Баъди мавриди истифода қарор гирифтани Маҷмааи хизматрасонии “Баҳор” дар маркази шаҳри Бӯстон 30 нафар бо ҷойи кори доимӣ таъмин шуданд.
Иншоот аз 3 ошёна иборат буда, масоҳати умумии он 623,8 метри мурабаъро ташкил медиҳад. Маблағи умумии барои корҳои сохтмонӣ харҷшуда зиёда аз 4 миллион сомониро дар бар мегирад. Саҳни бино тибқи талаботи меъморию шаҳрсозӣ зебою назаррабо гардонида шудааст.
Ҳамчунин дар ҳамин ҷо хони наврӯзӣ ороста шуда, ба 50 нафар ятимони кулл аз тарафи Пешвои миллат муҳтарам Эмомалӣ Раҳмон армуғони идона тақдим гардид. Туҳфаҳо аз сару либос, ширинӣ ва маблағи пулӣ иборат буданд. Дасти ёрӣ дароз намудан ба нафарони ниёзманд аз беҳтарин хислатҳои ҳамидаи инсонӣ маҳсуб ёфта, дар рӯзҳои баҳорӣ дар асоси ҳидоятҳои муҳтарам Пешвои миллат пайваста анҷом дода мешавад.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суҳбати самимӣ наврасонро ба муносибати ҷашни Наврӯз шодбош гуфта, онҳоро ба омӯзиши илму ҳунар, аз худ кардани забонҳои хориҷӣ ва оянда хизмат намудан ба нафъи давлату миллат ҳидоят намуданд.
Сарвари давлат муҳтарам Эмомалӣ Раҳмон дастгирии наврасони бо амри тақдим ятиммонда ва оилаҳои эҳтиёҷмандро дар сиёсати иҷтимоии Ҳукумати Ҷумҳурии Тоҷикистон муҳим арзёбӣ намуданд. Чунин ҳавасмандгардонӣ, ки фараҳмандии ин наврасони хуштолеъро дар ҷашни Наврӯз афзун намуд, минбаъд низ сурат мегирад.
Пешвои миллат Эмомалӣ Раҳмон бо роҳбарону фаъолони вилояти Хатлон мулоқот намуданд
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Президенти Ҷумҳурии Тоҷикистон Эмомалӣ Раҳмон ба бунёди бинои Мақомоти иҷроияи ҳокимияти давлатии ноҳияи Данғара санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Норак 8 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон агрегати №7-и Неругоҳи барқи обии «Норак»-ро баъд аз таъмиру навсозӣ ба истифода доданд
Амрҳои Президенти Ҷумҳурии Тоҷикистон
Қарорҳои Ҳукумати Ҷумҳурии Тоҷикистон
