ВКД ҶТ ХАБАР МЕДИҲАД: Корманди милиса барои муносибати дағалона бо зани роҳгузар аз кор озод карда шуд
ДУШАНБЕ, 22.03.2019./АМИТ «Ховар»/. Вазорати корҳои дохилии Ҷумҳурии Тоҷикистон як корманди милисаро барои латукӯби як зан аз кор озод намуд. Дар ин бора дар сомонаи расмии ВКД ҶТ хабар дода шудааст.
Рӯзи 21-уми март дар шабакаҳои иҷтимоӣ наворе пахш шуд (ДАР АКСИ ПОЁН), ки корманди милиса ба сару рӯи зане шаппотӣ мезанад. Танҳо пас аз дахолати сокинон зан канор меравад ва аз пушти сар ба милиса як шаппотӣ мезананд. Бино ба қавли ВАО, Мадина Шамсоваи 33-сола сокини ҷамоати Роҳатии ноҳияи Рӯдакӣ мебошад.
Тавре дар хабари ВКД ҶТ омадааст, «бозраси хадамоти роҳбонии Воҳиди махсуси ВКД ҶТ старшинаи милитсия Сафарбек Маҳмасаидзода бо шаҳрванд Мадина Шамсова (соли таваллудаш 1986, пеш барои содир намудани ҷиноятӣ дуздӣ ба ҷавобгарии ҷиноятӣ ҷалб шудааст), ки дар ҳолати мастӣ қарор дошт ва тартиботи ҷамъиятиро вайрон карда, ба мардуми роҳгузар дарафтода буд, баҳсу мунозира намуда, ҳангоми пеши роҳи ҳуқуқвайронкунии Шамсоваро гирифтан бо номбурда дағалона рафтор намуда, худ ба қонуншиканӣ, яъне вайрон намудани талаботҳои фармонҳои ВКД Ҷумҳурии Тоҷикистон роҳ додааст. Бо фармоиши Вазири корҳои дохилии Ҷумҳурии Тоҷикистон старшинаи милитсия Сафарбек Маҳмасаидзода аз мақомоти корҳои дохилӣ озод карда шуд».
Ҳамзамон дар асоси ин фармоиш роҳбарияти Воҳиди махсуси ВКД Ҷумҳурии Тоҷикистон барои дуруст ба роҳ нагузоштани корҳои интизоми-тарбиявӣ дар байни ҳайати шахсӣ ба ҷазоҳои гуногуни интизомӣ кашида шуданд, гуфта мешавад дар хабари Вазорати корҳои дохилии Ҷумҳурии Тоҷикистон.
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
