30 нафар мутахассисони хориҷӣ барои гузаронидани ҷарроҳии дил ба Тоҷикистон омадаанд

Апрель 16, 2019 10:47

ДУШАНБЕ, 16.04.2019 /АМИТ «Ховар»/. Барои гузаронидани ҷарроҳӣ миёни кӯдакон ва наврасони гирифтори бемории нуқсони модарзодии дил 30 нафар мутахассисони варзидаи соҳаи ҷарроҳии дилу рагҳои 6 кишвари ҷаҳон ба Тоҷикистон омадаанд.

Тавре ба мухбири АМИТ «Ховар» аз Муассисаи давлатии маҷмааи тандурустии «Истиқлол» хабар доданд, 13 апрели соли равон  бо ташаббуси Ҳукумати Ҷумҳурии Тоҷикистон дар ҳамбастагӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Ташкилоти ҷамъиятии хайриявии «Тоҷикистон», инчунин зери сарпарастии Муассисаи «Муҳаммад бин Рошид ибни Мактум»-и Аморати Муттаҳидаи Араб дар Муассисаи давлатии маҷмааи тандурустии «Истиқлол» давраи баргузории ҷарроҳиҳои дил миёни кӯдакон ва наврасони гирифтори бемории нуқсони модарзодии дил ройгон оғоз гардид.

Бино ба иттилои манбаъ, мақсади иқдоми мазкур дастгирӣ ва кумак ба нафарони камбизоат буда, ба солимгардонии кӯдакону наврасони гирифтори бемории нуқсони модарзодии дил равона гардидааст.

Мавриди зикр аст, ки мутахассисони барои амалиёти ҷарроҳӣ ҷалбшуда    аз  Арабистони Саудӣ, Аморати Муттаҳидаи Араб, Ирландия, Баҳрайн ва Германия буда, ҳамзамон  мутахассисони варзидаи тоҷик низ дар гузаронидани ҷарроҳиҳо миёни кӯдакону наврасони гирифтори бемории нуқсони модарзодии дил иштирок менамоянд.

Бояд зикр намуд, ки тайи рӯзҳои 8-12 апрел зиёда аз 470 нафар кӯдакон аз ташхис гузаронида шуданд. Дар ҳамин замина 100 нафар кӯдаконе, ки бино бар доштани бемории нуқсони модарзодии дил зери хатар қарор доштанд, барои амалиёти ҷарроҳӣ тавсия шуданд. Давоми се рӯз  15 нафари онҳо бо роҳи эндоваскулярӣ ва 9 нафари дигар бо роҳи ҷарроҳии кушод бо мувафақият ҷарроҳӣ шуданд.

Амалиёти ҷарроҳӣ дар муассисаи мазкур то 21 апрели соли равон давом дошта, давоми ин муддат 70 нафар бо роҳи эндоваскулярӣ ва 30 нафари дигар бо роҳи амалиёти кушод ҷарроҳӣ хоханд шуд.

Апрель 16, 2019 10:47

Хабарҳои дигари ин бахш

Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ
ИҶЛОСИЯИ XVI – ЗАМИНАИ ТАЪРИХИИ ТАҲКИМИ ДАВЛАТДОРӢ, ҚОНУНИЯТ ВА АДОЛАТИ СУДӢ. Андешаҳо дар ин маврид
‎Дар Норак осоишгоҳи Вазорати корҳои дохилӣ ифтитоҳ гардид
АЗ НАСБИ ПАНЕЛҲОИ ОФТОБӢ ТО ЗАХИРАИ СӮЗИШВОРӢ. Муассисаҳои тандурустии Тоҷикистон ба зимистони солҳои 2026–2027 омода мебошанд
Дар Бохтар бахшида ба Иҷлосияи XVI Шурои Олӣ конференсияи ҳизбӣ баргузор шуд
Дар Душанбе Форуми байналмилалии тандурустӣ-2026 баргузор гардид
Ташаббусҳои Тоҷикистон дар соҳаи зеҳни сунъӣ дар Шанхай муаррифӣ карда шуданд
Дар ноҳияи Ёвон бахшида ба Рӯзи Президент ҳамоиши сиёсӣ-фарҳангӣ доир гардид
Ба муносибати 35-солагии муносибатҳои дипломатии Тоҷикистону Чин конфронси байналмилалӣ доир шуд
Дар Тоҷикистон рақамикунонии низоми нафақа тақвият меёбад
Дар Кӯлоб бахшида ба Рӯзи Президент конференсияи илмӣ-амалӣ баргузор шуд