Дар Душанбе Фестивал ва Намоишгоҳи маҳсулоти ҳунармандӣ таҳти унвони «Бозори баҳорӣ» оғоз гардид
ДУШАНБЕ, 27.04.2019. /АМИТ «Ховар»/. Имрӯз бо ташаббуси Кумитаи рушди сайёҳии назди Ҳукумати Ҷумҳурии Тоҷикистон таҳти сарпарастии Президенти Федератсияи футболи Тоҷикистон Рустами Эмомалӣ дар ҳамкорӣ бо ҶСП «Си Эйч Эл Интернэшнл» дар саҳни бинои меҳмонхонаи «Ҳилтон-Душанбе» Фестивал ва Намоишгоҳи маҳсулоти ҳунармандӣ таҳти унвони «Бозори баҳорӣ» («Spring Market») баргузор гардид.
Дар расми ифтитоҳи чорабинӣ раиси Кумитаи рушди сайёҳӣ Нуъмон Абдуғаффорзода ва намояндагони дигар вазорату идораҳо иштирок намуданд.
Фестивал ва Намоишгоҳи баҳорӣ ба Рӯзи Пойтахт ва Солҳои рушди деҳот, сайёҳӣ ва ҳунарҳои мардумӣ бахшида шуда, дар он ширкатҳои сайёҳии ватанию хориҷӣ, ҳунармандон аз тамоми минтақаҳои кишвар, доираи корпусҳои дипломатии муқими Тоҷикистон ва истеҳсолкунандагони дигар маҳсулоти миллӣ, ҷалб карда шуданд. Бояд тазаккур дод, ки намоиши истеҳсоли маҳсулоти ҳунармандон ва хизматрасонии ширкатҳои сайёҳӣ бо услуби муосир тибқи талаботҳои байналмилалӣ ороиш дода шуд.
Дар намоишгоҳи баҳорӣ ҳамчунин муассисаҳои хӯроки умумӣ, ҳунармандоне, ки ба кордсозӣ, мисгарӣ, ба дӯхтани чакан, таҳияи атласу адрас, сабадбофию кулолгарӣ ва табақтарошӣ ва дар маҷмуъ равнақу эҳёи ҳунарҳои мардумӣ машғуланд ва ширкатҳои мобилӣ имкониятҳои худро ба марази тамошо гузоштанд. Бояд гуфт, ки намояндагони тарабхонаҳову қаҳвахонаҳои кишвар ва сафоратхонаҳои муқими Душанбе таомҳои гуногун ва шириниҳоро пешкаш карда, барои кӯдакон барномаҳои махсуси дилхушӣ доир шуд.
Ҳадафи аслии баргузории ҳамоиш рушди истеҳсоли маҳсулоти ҳунармандӣ ва фурӯши он, муаррифии анъанаҳо ва хурокҳои миллӣ, тақвияти робитаҳои сайёҳӣ ва ҷалби сайёҳон ба кишвар арзёбӣ мегардад.
Чорабинии мазкур 28 апрел низ идома меёбад.
Ассотсиатсияи миллии сайёҳии Тоҷикистон таъсис дода шуд
Шоҳкориҳои табиии «Чилдухтарон» қалби ҳазорон нафар сайёҳони дохилию хориҷиро тасхир месозад
Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
Дар Хатлон беш аз 940 ёдгории таърихиву фарҳангӣ мавҷуд аст
Форум ва намоишгоҳи байналмилалии сайёҳии «Хатлон — сарзамини тамаддунҳо ва саёҳат» оғоз гардид
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
