Кормандони мақомоти ҳифзи ҳуқуқ субъектони асосии муборизабаранда бо коррупсия мебошанд
ДУШАНБЕ, 29.04.2019 /АМИТ «Ховар»/. Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ирсоли Паёми навбатиашон ба Маҷлиси Олӣ барҳақ зикр намуданд: «Ҳар яки мо — роҳбарони тамоми сохтору мақомоти давлатӣ ва кулли хизматчиёни давлатӣ бояд ба халқ содиқона хизмат кунем, на халқ ба мо».
Ин гуфтаҳо бояд шиори ҳамешагии кормандони мақомоти ҳифзи ҳуқуқу тартибот, хусусан ҳайати шахсии Хадамоти шиносномавию бақайдгирии (ХШБ) Вазорати корҳои дохилӣ қарор гирад, -гуфт сардори ин хадамот Ҳусейн Халилзода зимни дарси хизматие, ки 26 апрел дар мавзӯи «Пешгирии омилҳои содиршавии ҷиноятҳои дорои хусусияти коррупсионӣ» дар маҷлисгоҳи хадамот доир гардид.
Тавре аз Вазорати корҳои дохилӣ ба АМИТ «Ховар» хабар доданд, Ҳусейн Халилзода илова намуд, ки «ин моро вазифадор менамояд, ки ҳамеша ба халқу Ватан содиқонаву софдилона хизмат намуда, дар муносибату муошират бо шаҳрвандон хушмуомила бошем ва кӯшиш ба харҷ диҳем, ки дар кору хизмат ба саҳлангорӣ роҳ надиҳем. Фаромӯш набояд кард, ки ба амалҳои коррупсионӣ даст задан ба шаъну шарафи кормандони милитсия иснод оварда, обрӯву эътибори ин мақомотро дар ҷомеа коҳиш медиҳад.
Сардори Раёсати 2-юми Сарраёсати пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Нигора Муқимӣ дар бораи сиёсати давлатии зиддикоррупсионӣ зикр намуд, ки «кормандони мақомоти ҳифзи ҳуқуқ субъектони асосии муборизабаранда бо коррупсия мебошанд ва дар пешгириву ошкорсозии амалу кирдорҳои ҷиноятиву коррупсионӣ масъулият доранд. Мо бояд пеши роҳи ин гуна амалҳоро гирем ва набояд, ки худ олудаи фасод шавем».
Номбурда дар идома дар бораи ҳамкорӣ бо мақомоти корҳои дохилӣ ва фаъолияти якҷоя баҳри амалисозии талаботи санадҳои меъёрии хуқуқӣ сухан ронда, илова намуд, ки иҷрои «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020» талаб менамояд, ки пеши роҳи амалу кирдорҳои коррупсионӣ сари вақт гирифта шавад, то беэътиноӣ ба ҷиноят бурда нарасонад.
Нигора Муқимӣ ҳамчунин доир ба бартараф намудани сабаб ва шароити ба содир намудани ҷиноят ва ҳуқуқвайронкуниҳои коррупсионӣ мусоидаткунанда ва таъмини иҷрои фармонҳои Президенти Ҷумҳурии Тоҷикистон, инчунин моҳият ва ҳадафи «Стратегияи муқовимат ба коррупсия дар Ҷумҳурии Тоҷикистон барои солҳои 2013-2020», хавфҳои коррупсия, роҳу усулҳои пешгирӣ намудани омилҳои коррупсионӣ, иҷрои бечунучарои талаботи қонунгузории зиддикоррупсионӣ ва дар амал татбиқ намудани он ибрози андеша намуда, таъкид сохт, ки пеш аз ҳама, вазорату идораҳо ва шахсони воқеию ҳуқуқӣ бояд бештар талош варзида, корро дар ин самт боз ҳам ҷоннок намоянд.








Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид
Рӯзи Президентро дар ноҳияи Ёвон бо баргузории чорабиниҳои гуногун таҷлил намуданд
Ба муносибати Рӯзи Президент ва Иҷлосияи XVI Шурои Олӣ дар бинои Ҳукумати Ҷумҳурии Тоҷикистон ҷамъомад баргузор шуд
Дар мавзуи «Низоми идоракунии президентӣ ва таъмини амнияти давлатӣ» ҳамоиши илмӣ-амалӣ доир шуд
Дар мақомоти Ваколатдор оид ба ҳуқуқи инсон бахшида ба Рӯзи Президенти Тоҷикистон ҳамоиш баргузор шуд
СИЁСАТИ ХОРИҶИИ ТОҶИКИСТОН – НАМУНАИ ДИПЛОМАТИЯИ МУТАВОЗИНУ СОЗАНДА. Эҳдо ба Рӯзи Президенти Ҷумҳурии Тоҷикистон
Дар Душанбе таҳти унвони «Президент — симои миллат ва рамзи давлат» ҳамоиши ҷумҳуриявӣ доир шуд
РӮЗИ ПРЕЗИДЕНТ ВА ТАҶАССУМИ ИРОДАИ ТАЪРИХИИ МИЛЛАТ ДАР БУНЁДИ ДАВЛАТДОРИИ НАВИН. Мулоҳизаҳои академик Фарҳод Раҳимӣ






