Рушди деҳот. Ин мавзӯъ мавриди баррасии иштирокдорони ҳамоише дар Душанбе гардид
ДУШАНБЕ, 25.04.2019 /АМИТ «Ховар»/. Имрӯз бо ташаббуси Маркази тадқиқоти стратегии назди Президенти Ҷумҳурии Тоҷикистон таҳти унвони «Масоили мубрами рушди деҳот дар Тоҷикистон: воқеият ва дурнамо» ҳамоиш доир гардид. Дар ҳамоиш намояндагони вазорату идораҳои марбутаи мамлакат, коршиносону таҳлилгарон ва ниҳодҳои шаҳрвандӣ иштирок намуданд.
Тавре мухбири АМИТ «Ховар» хабар медиҳад, дар ҳамоиш масъалаҳои муҳими марбут ба рушди деҳот, аҳамияти эълон гардидани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ», грантҳои Президенти Ҷумҳурии Тоҷикистон ҳамчун омили пешрафти соҳибкории занон, вазъи сайёҳии деҳот дар Тоҷикистон, масоили умдаи рушди имкониятҳои ҷавонони деҳот, мушкилот ва дурнамои вазъи маориф дар деҳот ва инкишофи базаи меъёрии ҳуқуқии рушди деҳот ва вазъи татбиқи онҳо матраҳ гардиданд.
Зикр шуд, ки Пешвои миллат Эмомалӣ Раҳмон дар Паёмашон ба Парлумони Тоҷикистон бо мақсади рушди инфрасохтори деҳот солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» эълон карданд. Мусаллам аст, ки ҳадафи ин иқдоми Сарвари давлат амалӣ намудани талошҳои Ҳукумати мамлакат ҷиҳати рушди Тоҷикистон ва ҳалли масъалаҳои иҷтимоии аҳолӣ бо роҳи беҳтар намудани инфрасохтор, пеш аз ҳама, дар соҳаҳои маорифу тандурустӣ, таъсиси ҷойҳои корӣ, таъмини аҳолии деҳот бо оби босифати ошомиданӣ, бунёду таҷдиди роҳҳои маҳаллӣ, рушди инфрасохтори сайёҳӣ ва инкишофи ҳунарҳои мардумӣ, ба талаботи муосир мутобиқ сохтани сатҳи хизматрасонӣ ва баланд бардоштани некӯаҳволии мардум дар ҳар як деҳа ва маҳалли аҳолинишин мебошад.
Гуфта шуд, ки бо мақсади рушди деҳот ва минтақаҳо, баланд бардоштани сатҳу сифати зиндагӣ, рушди нерӯи инсонӣ дар Ҷумҳурии Тоҷикистон дар соли 2016 Кумитаи рушди маҳалли назди Ҳукумати Ҷумҳурии Тоҷикистон таъсис дода шудааст, ки рисолати мақомоти мазкур рушди минтақаҳои мамлакат аст. Ҳамзамон дар самти рушди маҳал ва мақомоти маҳаллии ҳокимияти давлатӣ дар зарфи солҳои Истиқлолияти давлатии Ҷумҳурии Тоҷикистон беш аз 40 қонун таҳия ва қабул гардидааст.
Иштирокдорони ҳамоиш ҳамзамон дигар масъалаҳои марбут ба рушди деҳот ва дурнамои онро муҳокима намуда, пешниҳодҳои судманд намуданд.








Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Доир ба ҳолати пиряхҳои Тоҷикистон дар шароити тағйирёбии иқлим машғулияти илмӣ баргузор шуд
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд






