Татбиқи лоиҳаи «Хизматрасониҳои маҷмӯӣ барои модар ва кӯдак» дар бархе аз ноҳияҳои ҷумҳурӣ оғоз гардид
ДУШАНБЕ, 22.04.2019 /АМИТ «Ховар»/. Бо мақсади беҳтаркунии сатҳу сифати хизматрасонии тиббӣ ба модарон ва кӯдакон Лоиҳаи «Хизматрасониҳои маҷмӯӣ барои модар ва кӯдак» (гранти Бонки осиёии рушд 0627 – TAJ (SF0)-и назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар муассисаҳои тандурустии ноҳияҳои таҷрибавии Рашту Файзобод ва Шамсиддин Шоҳини вилояти Хатлон оғоз гардид.
Тавре ба мухбири АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, лоиҳаи мазкур соли равон оғоз гардида, бояд то соли 2025 татбиқ карда шавад.
Бино ба иттилои манбаъ, мақсадҳои асосии Лоиҳа аз беҳтаркунии хизматрасонии ҳамгироишуда дар самти ҳифзи саломатии модарон ва кӯдакон тавассути беҳтаркунии банақшагирӣ ва тақвияти захираҳои инсонӣ бо таҳияи стратегияи банақшагирӣ ва тақсимоти дурусти кадрҳо барои ноҳияҳои таҷрибавӣ, вориднамоии системаи самараноки интиқоли беморон байни муассисаҳои кумаки аввалияи тиббию санитарӣ ва беморхонаҳо, такмили низоми беҳтаркунии муттасили сифат дар сатҳи миллӣ, минтақавӣ, маҳаллӣ ва таъсиси системаи назорати сарпарастӣ иборат мебошанд.
Инчунин вориднамоии маблағгузорӣ дар асоси натиҷаҳои табобат ба беморхонаҳои ноҳияҳои ҳадафнок, мукаммалсозӣ ва беҳтаркунии инфрасохтор дар беморхонаҳо ва муассисаҳои кумаки аввалияи тиббию санитарӣ ба туфайли сохтмон ва таъмири иншоот, таъминот бо таҷҳизот ва мебели тиббӣ, беҳтаркунии системаи идоракунии истифодаи таҷҳизот ва тақвияти иқтидори мутахассисон оид ба хизматрасонии техникии таҷҳизот дар ноҳияҳои таҷрибавии Лоиҳа равона карда шудааст.
Тибқи нақша, давоми амалисозии лоиҳа ҳама самтҳои соҳаи тандурустии ноҳияҳои таҷрибавӣ фаро гирифта шуда, шакли хизматрасонии тандурустии мукаммали намунавӣ барои истифода дар таҷриба ҳангоми ислоҳот дар дигар ноҳияҳо таъсис дода мешавад.
Бояд иброз кард, ки тамоми фаъолияти Лоиҳа дар асоси қонунҳои амалкунандаи Ҷумҳурии Тоҷикистон ва қоидаҳои Бонки осиёии рушд амалӣ мегардад.
Дар Кӯлоб бо иштироки Сарвазири Тоҷикистон ҷаласаи Ситоди ҷумҳуриявӣ баргузор шуд
Бо супориши Президенти Ҷумҳурии Тоҷикистон муҳтарам Эмомалӣ Раҳмон Сарвазири Тоҷикистон Қоҳир Расулзода ба шаҳри Кӯлоб сафар намуд
ОГОҲӢ. Дар баъзе шаҳру ноҳияҳои Тоҷикистон то 4 май хавфи сар задани сел боқӣ мемонад
Дар шаҳри Кӯлоб дар пайи бориши пай дар пай сел омада, ба хонаҳои сокинон хисорот расид
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
Тоҷикистон ва Бавария ҳамкориро дар самти таҳсилоти касбӣ густариш медиҳанд
Оид ба ҳамкорӣ дар самти ҷалби мутахассисони ҷавони соҳибтахассус Ёддошти тафоҳум ба имзо расид
Байни Маркази тадқиқоти стратегии Тоҷикистон ва Маркази тадқиқоти сиёсати хориҷии Узбекистон Ёддошти тафоҳум ба имзо расид
Дар ноҳияи Кӯшониён бо фаъолон ва ҷонибдорони Ҳизби Халқии Демократии Тоҷикистон вохӯрӣ доир шуд
ИМРӮЗ — РӮЗИ УМУМИҶАҲОНИИ ҲИФЗИ МЕҲНАТ. Ба масоили бехатарии меҳнат ва ҳифзи саломатии кормандон таваҷҷуҳи бештар зоҳир мегардад
Ғолиби Фестивали «Сайри гули лола» Сайфиддин Файзиддинов: «Тоҷикон аз қадимулайём гулпарвар буданд»
