Абдумаҷид Ҳакимзода: «Овозаҳо дар бораи боло рафтани нархи роҳкиро дар нақлиёти ҷамъиятии пойтахт асос надоранд»

Май 2, 2019 10:04

ДУШАНБЕ, 02.05.2019./АМИТ «Ховар»/. Тайи чанд рӯз мешавад, ки дар шабакаҳои иҷтимоӣ  оид ба  боло  рафтани  нархи   пардохти ҳакқи хизматрасонӣ дар нақлиёти ҷамъиятии шаҳри Душанбе  овозаҳо паҳн мегарданд. Хабарнигори АМИТ «Ховар» доир ба  шарҳи ин  мавзӯъ бо сардори Раёсати иттилоот ва робитаҳои хориҷии дастгоҳи Раиси шаҳри Душанбе Абдумаҷид ҲАКИМЗОДА  ҳамсуҳбат гардид.

Абдумаҷид Ҳакимзода  изҳор дошт, ки овозаҳо дар бораи боло рафтани нархи роҳкиро дар нақлиёти ҷамъиятии  пойтахт ягон асос надошта, ояндаи наздик низ гароншавии он, на дар автобусу троллейбусҳо ва на микроавтобусҳо  пешбинӣ нашудааст.  Номбурда таъкид намуд, ки ба ҳисоби миёна ҳар субҳ аз корхонаҳои коммуналӣ ва нақлиётии пойтахт 280 автобус, зиёда аз 60 троллейбус ва 1400 адад микроавтобусҳо ба кор баромада, ба сокинону меҳмонони пойтахт хизмат мерасонанд.

  Ёдрас мешавем, ки тибқи қарори дахлдори Раиси шаҳри Душанбе   нархи роҳкиро дар пойтахт   дар автобус 1 сомониву 20 дирам, троллейбус 1 сомонӣ ва микроавтобусҳо 1 сомониву 60 дирамро ташкил медиҳад.

Бояд илова намуд, ки вакилони Маҷлиси Олӣ, вакилони ноҳиявию шаҳрӣ, собиқадорон ва маъюбони Ҷанги дуюми ҷаҳонӣ,  маъюбони гурӯҳҳои 1 ва 2, кӯдакони маъюб, собиқадорони  хизмати ҳарбӣ ва мақомоти ҳифзи ҳуқуқ, зарардидагони фалокати Чернобил ва оилаву кӯдакони бесарабонмондаи онҳо, шахсоне ки барои хизматҳои махсус дар назди Ҳукумати  Ҷумҳурии Тоҷикистон нафақа мегиранд, собиқадорони  амалиёти ҷангӣ дар дигар давлатҳо, шахсоне ки бо 3 дараҷаи орден барои хизмати Ватан дар Қувваҳои мусаллаҳи ИҶШС мукофотонида шудаанд ва шахсони аз 75 — сола боло  ҳангоми истифода аз хизмати воситаҳои нақлиёти шаҳрӣ аз имтиёз бархӯрдоранд.

Май 2, 2019 10:04

Хабарҳои дигари ин бахш

Пагоҳ дар Душанбе ба муносибати Рӯзи Ваҳдати миллӣ барномаи фарҳангӣ доир мешавад
Дилбар Одилзода: «Ваҳдати миллӣ ва рушди зан дар Тоҷикистон ду раванди бо ҳам пайвастанд»
Раиси шаҳри Душанбе бинои шуъбаи Вазорати корҳои дохилӣ дар ноҳияи Исмоили Сомониро ифтитоҳ намуданд
Рустами Эмомалӣ роҳи мошингарди кӯчаи Бухоро пайваст ба кӯчаи Ҳабибулло Назаровро мавриди истифода қарор доданд
Рустами Эмомалӣ бо Шайх Сурур бин Муҳаммад Оли Наҳён мулоқот намуданд
Тавсеаи робитаҳои бародаршаҳрӣ байни Душанбе ва Теҳрон баррасӣ гардид
Раиси шаҳри Душанбе бо губернатори Ҳукумати мардумии музофоти Шенсии Чин мулоқот намуданд
Рустами Эмомалӣ бо Сафири Ҷопон дар Тоҷикистон Кейко Фурута мулоқот намуданд
Дар Тоҷикистон экспедитсияи сайёҳии «Саёҳат ба қалби Авруосиё-2025» баргузор мешавад
Рустами Эмомалӣ бо Кетрин Мери Рассел мулоқот намуданд
Раиси шаҳри Душанбе Рустами Эмомалӣ бо Раиси Шурои директорони шабакаи телевизионии «Евронюс» Педро Варгас Сантос Давид мулоқот намуданд
Бахшида ба Рӯзи ҷавонони Тоҷикистон ҳамоиши табибони ҷавони шаҳри Душанбе баргузор шуд