АМРИ ХАЙР. Аз марҳамати мақомоти иҷроияи маҳаллии ҳокимияти далатӣ ниёзмандони вилояти Суғд баҳраманд гардиданд

Июнь 3, 2019 14:32

ХУҶАНД, 03.06.2019, /АМИТ Ховар/  Тибқи нақшаи чорабиниҳои Мақомоти иҷроияи ҳокимияти давлатии вилояти Суғд дар мактаб-интернатҳо, хона-интернатҳо барои пиронсолону маъюбон, муассисаҳои махсуси томактабӣ, мактаби бачагони ятим ва маъюб, хонаи кӯдакони  ҳудуди  вилоят, аз ҷумла дар шаҳрҳои Хуҷанд, Исфара, Истаравшан, Конибодом, Панҷакент, Бӯстон, ноҳияҳои Спитамен, Ашт, Бобоҷон Ғафуров, Шаҳристон ва Кӯҳистони Мастчоҳ  барномаҳои  фарҳангию фароғатӣ  роҳандозӣ гардиданд, ки дар онҳо наздики  2 000 бошандагони ин муассисаҳо бо аёдату ғамхорӣ фаро гирифта шуданд.

Тавре  ба мухбири  АМИТ «Ховар» Абдуаҳад Дадабоев    масъули шуъбаи ҳифзи иҷтимоии аҳолии Мақомоти иҷроияи ҳокимияти давлатии вилояти Суғд  иттилоъ дод, ин амри хайр вобаста ба дастуру супоришҳои Пешвои миллат, Президенти мамлакат  муҳтарам Эмомалӣ Раҳмон ҷиҳати  дастгирии шахсони ниёзманд   роҳандозӣ гардидааст.

Ҳозирин   дар  ҷамъомадҳои  тантанавӣ нуктаҳои асосии табрикоти имсолаи  Пешвои миллатро  ба муносибати фарорасии моҳи шарифи Рамазон шарҳ дода, аз ҷумла  ин суханони Сарвари давлатро  ёдовар шуданд: «Дар раванди таълиму тарбияи ҷавонон, бахусус, ба масъалаҳои дӯст доштани Ватан, эҳтиром гузоштан ба муқаддасоти миллӣ ва таъриху фарҳанги пурғановати халқамон, инчунин, пос доштани иззату ҳурмати падару модар ва калонсолон бояд эътибори аввалиндараҷа зоҳир намоем. Додани садақаи фитр ва умуман, ҳама гуна хайроту садақа дар моҳи шарифи Рамазон ҳамчун яке аз воҷиботи дини мубини ислом ба шумор меравад. Парҳезкорӣ ва лутфу эҳсон ба аҳли хонадон, хешу табор ва ҳамсояҳову ёру дӯстон, худдорӣ кардан аз амалҳои ношоиста, иҷрои корҳои хайру савоб ва арзишҳои дигаре ҳастанд, ки риояи онҳо дар ин моҳи муборак ба мусулмонон воҷиб дониста шудааст».

Мавриди зикр аст, ки  аз ҷониби сарпарастони муассисаҳо барои бошандагон дастархонҳои идона ороста шуда,  ба онҳо кумакҳои молӣ расонда шуданд.

Июнь 3, 2019 14:32

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд