ОБУ ҲАВО: имрӯз дар Тоҷикистон гармии ҳаво ба 32-37 дараҷа мерасад

ДУШАНБЕ, 13.06.2019. /АМИТ «Ховар»/. Имрӯз дар ҷумҳурӣ  ҳаво тағйирёбандаи бебориш шуда, гармии ҳаво ба 32-37 дараҷа мерасад. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш мешавад.    Ҳаво дар ғарби вилоят шабона 4+9 ва рӯзона 21+26 дараҷа  гарм мешавад. Дар шарқи вилоят  ҳаво шабона 0-5 дараҷа сард шуда,  рӯзона 11+16 дараҷа  гарм мешавад.

Ҳаво дар вилояти Суғд   камабри  бебориш  мешавад.  Шамол аз самти шарқ бо суръати 3-8  ва дар ноҳияҳои алоҳида бо шиддатнокии то 15-20 метр дар як сония  мевазад. Ҳаво дар водиҳо шабона 14+19 ва рӯзона 30+35 дараҷа гарм мешавад. Дар ноҳияҳои кӯҳӣ ҳаво шабона 1+6 дараҷа гарм шуда,   рӯзона   16+21 дараҷа гарм мешавад.

Дар вилояти Хатлон ҳавои камабр ва дар баъзе ноҳияҳо тағйирёбандаи бебориш мешавад.  Шамол аз самти шарқ бо  суръати 3-8 метр дар як сония вазида, чангу ғубор боқӣ мемонад. Ҳаво дар водиҳо шабона 13+18 ва рӯзона 32+37 дараҷа гарм мешавад. Дар  доманакӯҳҳо ҳаво шабона 8+13 ва рӯзона 22+27 дараҷа гарм мешавад.

Дар шаҳру ноҳияҳои тобеи марказ ҳавои  бебориш дар назар аст. Шамол аз самти шарқ бо суръати 3-8 метр дар як сония  мевазад. Ҳаво  дар водиҳо шабона 10+15  ва рӯзона 28+33 дараҷа гарм мешавад. Дар  ноҳияҳои кӯҳӣ шабона 4+9 ва рӯзона 21+26 дараҷа гарм мешавад.

Дар шаҳри Душанбе ҳаво камабри бебориш  мешавад.  Шамол аз самти шарқ бо суръати 2-7 метр дар як сония   мевазад. Ҳаво шабона 12+14 ва  рӯзона 31+33 дараҷа гарм мешавад.