«АЗ ЁДҲО БАР ЁДҲО». Таҳти ин ном дар нашриёти «Адиб» китоби нави Файзи Ашӯр ба нашр расид

Июль 15, 2019 10:30

ДУШАНБЕ, 15.07.2019/АМИТ «Ховар»/. «Паррандаи шеъри  Файзи Ашӯр  дар фазо «Аз ёдҳо бар ёдҳо» бол мекушояд. Ин парранда аз ошёни хотири шоире бархостааст, ки   ҳастии худро  ба шеър  бахшида, дилу ҷони худро волаи  оҳанги зиндагибахши он кардааст». Ин сатрҳоро шоири шинохта Муҳтарам Ҳотам дар пешгуфтори «Панҷаи шеъргир»-и  китоби тозаэҷоди  «Аз ёдҳо бар ёдҳо»-и шоир Файзи Ашӯр нигоштааст.

Маҷмӯаи «Аз ёдҳо бар ёдҳо», ки дар нашриёти «Адиб» чоп гардидааст, шеъру ғазалҳои  тозаэҷод ва драмаи  «Солори Аҷам»-и шоир Файзи Ашӯрро дар бар мегирад. Шеърҳои «Қасри миллат», «Эҳдо ба сарварони ду кишвари  бародар», «Азми савгандқабо», «Дар сӯгвории  устод Бозор Собир», «Сапеда», «Борон», «Падрӯд» аз ҳамин қабиланд.

Файзи Ашӯр  дорандаи ҷоизаҳои адабии ба номи Мирзо Турсунзода, Шамсиддин Шоҳин ва Ашӯр Сафар буда, муаллифи драмаҳои назмию насрии «Марди Ҳақ», «Ё раб», «Фиғон», «Зарбаҳои Ханноскуш», «Шикаст», «Ҳусайни аробакаш» ва «Солори Аҷам» мебошад. Ин асарҳо аз ҷониби Ҳунарпешагони халқии  Тоҷикистон Мирзоватан Миров, Бурҳонидин Раҷабов  ва дигарон дар саҳнаҳои театри касбӣ  ба намоиш гузошта шудаанд.

Ёдовар мешавем, ки Файзи Ашӯр   дар хонаводаи Шоири халқии Тоҷикистон, барандаи Ҷоизаи  ба номи Абӯабуллоҳ Рӯдакӣ устод Ашӯр Сафар ба дунё омада, дастпарвари факултаи бахши забонҳои  шарқи Донишгоҳи миллии Тоҷикистон аст.

Июль 15, 2019 10:30

Хабарҳои дигари ин бахш

Китобхонаи миллии Тоҷикистон беш аз 100 асари Пешвои миллатро дар шакли электронӣ мавриди истифодаи умум қарор дод
Мудири кулли ЮНЕСКО хонум Одри Азуле дар Осорхонаи миллии Тоҷикистон бо таъриху тамаддуни халқи тоҷик шинос шуд
ДИДГОҲЕ БАРОИ ПЕШРАФТИ ИЛМ. Андешаҳо дар ҳошияи мулоқоти Президенти Тоҷикистон бо аҳли илм ва маорифи мамлакат
Рӯзи шанбе дар милитсияи Хатлон «Рӯзи театр» эълон гардид
Дар қароргоҳи ЮНЕСКО дар Париж 815-солагии Мавлоно Ҷалолуддини Балхӣ таҷлил гардид
«СУРУДҲОИ МОНДАГОР». Дар қароргоҳи ЮНЕСКО-шаҳри Париж барномаи фарҳангии ҳунармандони тоҷик доир шуд
Дар конференсияи байналмилалӣ ба бузургдошти Мавлоно Ҷалолуддини Балхӣ дар Париж маҷаллаи «Пайванд» рӯнамоӣ шуд
«МАВЛОНО ҶАЛОЛУДДИНИ БАЛХӢ ВА САҲМИ Ӯ ДАР ГУСТАРИШИ ФАРҲАНГИ ҶАҲОН». Таҳти чунин унвон бо ташаббуси Тоҷикистон дар ЮНЕСКО конференсияи байналмилалӣ оғоз гардид
«АЗ ХУРОСОНАМ КАШИДӢ, ТО БАРИ ЮНОНИЁН…». Ба гиромидошти хотираи мутафаккири бузурги тоҷик мавлоношиносони ҷаҳон дар Париж ҷамъ меоянд
«ҶОН ШАВУ АЗ РОҲИ ҶОН ҶОНРО ШИНОС». Тоҷикистон 815-солагии Мавлоно Ҷалолуддини Балхиро дар қароргоҳи ЮНЕСКО таҷлил менамояд
«ТОҶИКИСТОН-ВАТАНИ АЗИЗ МАН». Даври дуюми озмуни ҷумҳуриявӣ то охири моҳ ҷамъбаст мегардад
Дар шаҳри Остона ҷаласаи умумии 78-уми Шурои мудирони Маркази байналмилалии илмию техникӣ доир гардид