Дар Душанбе Форуми байналмилалӣ оид ба солимгардонӣ ва тавонбахшии маъюбон баргузор мешавад

Июль 5, 2019 09:15

ДУШАНБЕ, 05.07.2019. /АМИТ «Ховар»/. 18 октябри соли равон дар Кохи «Наврӯз»-и шаҳри Душанбе Форуми байналмилалӣ оид ба солимгардонӣ ва тавонбахшии маъюбон баргузор мегардад.

Форуми мазкур дар Ҷумҳурии Тоҷикистон бори аввал доир гардида, ҳадафи он ҷалби таваҷҷуҳи ҷомеа ба масъалаҳои тавонбахшӣ ва солимгардонии маъюбон мебошад.  Ин нукта 4 июл дар ҷаласаи кумитаи тадорукоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон зикр гардид.

Тавре ба мухбири АМИТ «Ховар» аз Вазорати мазкур хабар доданд,  ҷаласа таҳти роҳбарии Вазири тандурустӣ ва ҳифзи иҷтимоии аҳолии  Ҷумҳурии Тоҷикистон Насим Олимзода   баргузор гардида, дар кори он муовини вазир, инчунин сарпарасти соҳа Шодихон Ҷамшед, ёрдамчии вазир Дилором Содиқова, шарикони рушд, намояндагони вазорат ва кумитаҳои дахлдор,  роҳбарони  муасисаҳо ва иттиҳодияҳои маъюбон  иштирок намуданд.

Насим Олимзода   дар бораи зарурат ва муҳимияти гузаронидани форуми байналмилалӣ оид ба масъалаҳои маъюбон ибрози андеша намуд.

Дар ҷаласаи мазкур инчунин масъалаҳои ташкилии форум мавриди баррасӣ қарор гирифта, гузаронидани ҷаласаҳои пленарӣ, ки мавзӯъҳои дастрасии доруворӣ ба маъюбон, таҳсилоти маъюбон, нафақаи маъюбон ва пардохти онҳо, мушкилоти маъюбон дар ҷомеа, саҳми шарикони рушд дар дастгирии маъюбон ва ғайраро дар бар мегиранд, мавриди муҳокимаи иштирокчиён қарор гирифтанд.

Таъкид гардид, ки  баргузор намудани чунин форуми сатҳи баланд барои ҳалли мушкилоти масъалаҳои маъюбон дар мамлакат заминаи хубе фароҳам хоҳад овард.

Ёдовар мешавем, ки бо қарори Ҳукумати Ҷумҳурии Тоҷикистон соли 2017 «Барномаи миллии тавонбахшии маъюбон барои солҳои 2017-2020» қабул гардид, ки он дурнамо ва нақшаи амалро нисбат ба ҳуқуқҳои маъюбон, дастрасӣ ба хизматҳои сифатноки вобаста ба тавонбахшӣ ва воситаҳои ёрирасон таъмин намуда, фарогирии умумиро ба хизматҳои тиббӣ ва иҷтимоӣ то соли 2020 дастрас мегардонад.

Ҳамчунин бо ташаббуси бевоситаи Пешвои миллат  оғози соли 2018  Ҳукумати Ҷумҳурии Тоҷикистон  Конвенсияи Созмони Милали Муттаҳид  оид ба ҳуқуқҳои маъюбонро ба имзо расонид.

Июль 5, 2019 09:15

Хабарҳои дигари ин бахш

НА ҲАМА ЧИРО ЯКБОРА ИСТЕЪМОЛ КАРДАН МУМКИН АСТ. Ғизошиноси тоҷик роҳи дурусти баромадан аз рӯзадории моҳи Рамазонро гуфт
Доир ба нақши худидоракунии маҳаллӣ дар таъмини рушди устувори Тоҷикистон конференсияи ҷумҳуриявӣ доир шуд
Раиси Шӯрои уламо Саидмукаррам Абдуқодирзода аз мардуми Тоҷикистон даъват кард, ки дар иди Фитр ба исрофкорӣ роҳ надиҳанд
Дар Конибодом корҳои сохтмонии бинои маъмурии ҲХДТ ва навсозии Боғи фарҳангию фароғатии шаҳр идома доранд
Бори нахуст дар Тоҷикистон ҷарроҳии эзофагоколопластика бо колофарингоанастамоз анҷом дода шуд
Бахшида ба Рӯзи умумиҷаҳонии ҳифзи меҳнат дар Душанбе ҳамоиш доир гардид
ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Тоҷикистон ба 300 оила кумаки башардӯстона расонида шуд
Сокинони деҳаи Гожаки ноҳияи Шуғнон соҳиби нуқтаи оби тозаи нӯшокӣ шуданд
БРИТАНИЯИ КАБИР БА ҶАЛБИ ҚУВВАИ КОРӢ АЗ ТОҶИКИСТОН ОМОДА АСТ. Имсол 500 нафар шаҳрвандони Тоҷикистон ба Британияи Кабир сафарбар мегарданд
Дар Агентии хизмати давлатӣ масъалаи пардохти музди меҳнати хизматчиён ҳангоми таҳсил баррасӣ гардид
ШАҲРИ ЗЕБОИ МАН. Милитсияи Хатлон ба истиқболи 35-солагии Истиқлоли давлатӣ ба бунёдкорӣ иқдом гирифт
«МАКТАБИ СИЁСИИ ПЕШВОИ МИЛЛАТ». Таҳти ин унвон дар шаҳри Бохтар конференсияи байналмилалии илмӣ-амалӣ доир мегардад