Давлатҳои Осиёи Марказӣ раводиди ягонаи сайёҳии «SILK ROAD VISA» ҷорӣ менамоянд
ДУШАНБЕ, 09.07. 2019/АМИТ «Ховар»/. Давлатҳои Осиёи Марказӣ раводиди ягонаи сайёҳии Осиёи Марказӣ — «SILK ROAD VISA» -ро аз рӯи принсипи Шартномаи Шенген барои сайёҳони хориҷӣ ҷорӣ хоҳанд кард.
Масъалаи мазкур дар ҷаласаи Шӯрои сайёҳии кишварҳои Иттиҳоди Давлатҳои Мустақил /ИДМ/, ки 9-10 июл дар шаҳри бостонӣ ва сайёҳии Самарқанд доир мегардад, матраҳ мешавад. Ҷумҳурии Тоҷикистонро дар ҷаласаи мазкур раиси Кумитаи рушди сайёҳии назди Ҳукумати Ҷумҳурии Тоҷикистон Нӯъмон Абдуғаффорзода намояндагӣ мекунад.
Мутахассиси пешбари бахши муносибатҳои байналмилалии Кумитаи рушди сайёҳии назди Ҳукумати ҷумҳурӣ Азиза Иброҳимова дар суҳбат ба хабарнигори АМИТ «Ховар» Марзия Саидзода гуфт, ки дар ҷаласа аъзои Шӯро натиҷаҳои иҷрои Нақшаи чорабиниҳоро барои солҳои 2018-2020, татбиқи Стратегияи рушди ҳамкорӣ дар соҳаи сайёҳӣ барои давраи то соли 2020, лоиҳаи Стратегияи рушди ҳамкорӣ дар бахши сайёҳӣ барои солҳои 2021-2030 ва ташаббуси ташкили раводиди ягонаи Осиёи Марказӣ «SILK ROAD VISA» тибқи принсипи Шартномаи Шенгенро матраҳ менамоянд.
Интизор меравад, ки дар ҷаласаи Шӯро роҳбарони идораҳои сайёҳии давлатҳои ИДМ масъалаҳои марбут ба таҳкими ҳамкории сайёҳиро байни кишварҳои ИДМ баррасӣ намоянд.
Дар назар аст, ки дар доираи ҷаласаи мазкур нахустин ярмаркаи сайёҳӣ гузаронида шавад, ки Кумитаи рушди сайёҳии Ҷумҳурии Ӯзбекистон аз созмондиҳандагони ин ҷаласа маҳсуб меёбад.
Мавриди зикр аст, ки Шӯрои сайёҳии кишварҳои ИДМ соли 1994 созмон дода шуда, самти фаъолияташ ба фароҳам овардани шароити мусоид барои рушди туризми байналмилалӣ равона гардидааст.
Бояд тазаккур дод, ки соли гузашта ҷаласаи Шӯрои сайёҳии кишварҳои ИДМ 10-11 август дар шаҳри Душанбе доир гардида буд.
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Моҳи август «Фестивали тобистонаи Душанбе – 2026» баргузор мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
«RED BUS TOURS». Имрӯз дар Душанбе мавсими нави хатсайрҳои сайёҳии дохилишаҳрӣ оғоз мегардад
ЗЕБОИҲОИ НОТАКРОРИ ТАБИАТИ ДАРАИ СИЁМА. Он қалби иштирокдорони Конфронси чоруми сатҳи баланди оби Душанберо тасхир намуд
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
РАВАНДИ ОБИ ДУШАНБЕ. Иштирокчиёни Конфронси 4-уми байналмилалӣ мавзеъҳои ҷолиби Тоҷикистонро тамошо мекунанд
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
Дар Донишгоҳи байналмилали сайёҳӣ ва соҳибкории Тоҷикистон коргоҳи коромӯзӣ барои устодон ва донишҷӯён ифтитоҳ ёфт
Тоҷикистон ва Туркия ҳамкориро дар соҳаи сайёҳӣ густариш медиҳанд
