ОБУ ҲАВО: имрӯз дар Тоҷикистон ҳавои бебориш шуда, ҳарорат ба 38+43 дараҷа мерасад

ДУШАНБЕ, 02.07.2019. /АМИТ «Ховар»/. 2-3 июл дар ҷумҳурӣ эҳтимолияти вазидани шамоли ҷанубу ғарбӣ бо шиддати то 17-22 метр дар як сония дар назар буда, дар вилояти Хатлон ва навоҳии тобеи марказ тӯфони чангу ғубор ба амал меояд.  Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш мешавад.  Шамол аз самти ғарб бо суръати 3-8  метр дар як сония  мевазад. Ҳаво дар ғарби вилоят шабона 5+10 ва рӯзона 26+31 дараҷа  гарм мешавад. Дар шарқи вилоят  ҳаво шабона 0+5 ва  рӯзона 14+19 дараҷа  гарм мешавад.

Ҳаво дар вилояти Суғд  камабри бебориш мешавад.    Шамол аз самти ғарб бо суръати 3-8  ва дар баъзе ҳолатҳо бо шиддати  17-22 метр дар як сония  мевазад. Ҳаво дар водиҳо шабона 22+27 ва рӯзона 35+40 дараҷа гарм мешавад. Дар ноҳияҳои кӯҳӣ ҳаво шабона 8+13 ва   рӯзона    22+27 дараҷа гарм мешавад.

Дар вилояти Хатлон  ҳавои камабри бебориш дар назар аст. Шамол аз самти ғарб бо  суръати 3-8 ва дар ноҳияҳои алоҳида бо шиддати то 17-22 метр дар як сония мевазад. Чангу  ғубор ба амал меояд. Ҳаво дар водиҳо шабона 22+27 ва рӯзона 38+43 дараҷа гарм мешавад. Дар  доманакӯҳҳо ҳаво шабона 17+22 ва рӯзона 31+36 дараҷа гарм мешавад.

Дар шаҳру ноҳияҳои тобеи марказ ҳавои  камабри бебориш мешавад. Дар  ноҳияҳои алоҳидаи кӯҳӣ борони кӯтоҳмуддат борида, раъду  барқ ба амал меояд. Шамол аз самти ғарб бо суръати 3-8 метр дар як сония  мевазад. Ҳаво  дар водиҳо шабона 16+21  ва рӯзона 35+40  дараҷа гарм мешавад. Дар  ноҳияҳои кӯҳӣ ҳаво шабона 10+15 ва рӯзона 27+32 дараҷа гарм мешавад.

Ҳаво дар шаҳри Душанбе бебориш мешавад.  Шамол аз самти ғарб бо суръати 4-9 метр дар як сония   мевазад. Ҳаво шабона 16+18 ва  рӯзона 38+40 дараҷа гарм мешавад.