Паҳлавонони тоҷик дар Чемпионати Осиё сазовори медалҳои тиллову биринҷӣ шуданд
ДУШАНБЕ, 06.07.2019. /АМИТ «Ховар»/. Варзишгари тоҷик Шероз Очилов дар рӯзи дуюми Чемпионати Осиё оид ба гӯштин миёни наврасон, ки дар пойтахти Қазоқистон – шаҳри Нурсултон ҷараён дорад, сазовори медали биринҷӣ гардид. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба мухбири АМИТ «Ховар» Меҳрони ҚУРБОН хабар дод.
Ёдовар мешавем, ки дар рӯзи аввали чемпионат паҳлавони дигари тоҷик Фирӯз Мирзораҷабов дар вазни 55 кило ба унвони чемпиони Осиё даст ёфта, соҳиби медали тилло гардид.
Тибқи иттилои манбаъ, Шероз дар вазни 71 кило аз намуди гӯштини юнонӣ-римӣ дар даври аввал озод буд ва баъдан бар паҳлавонони Кореяи Ҷанубӣ ғалаба кард. Ӯ вале дар нимфинал аз намояндаи Қирғизистон, ки ғолиби ин вазн гардид, мағлуб шуд.
Шероз сипас дар рақобат барои ҷои сеюм варзишгари япониро бо ҳисоби 10:0 шикаст дод. Медали нуқра насиби варзишгари Эрон, як медали дигари биринҷӣ насиби варзишгари Ӯзбекистон шуд.
Бо ҳамин қувваозмоиҳои гӯштини юнонӣ-римӣ ба анҷом расиданд.
Хотиррасон менамоем, ки 6-7 июли соли равон қувваозмоиҳои гӯштини тарзи озод доир мегарданд, ки варзишгарони мо дар шаш вазн қувва месанҷанд.
Бояд зикр кард, ки дар чемпионати мазкур 308 варзишгар аз 19 давлати қитъаи Осиё ширкат доранд. Гӯштингирони навраси қора дар намудҳои гӯштини озод (10 вазн), юнонӣ-римӣ (10 вазн) ва гӯштини занона (10 вазн) барои ҷойҳои ифтихорӣ талош мекунанд.
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
