Шодихон Ҷамшед ва Хуанг Деҳаи зимни мулоқот оид ба коҳиши сатҳи камбизоатӣ суҳбат намуданд
ДУШАНБЕ, 29.07.2019 /АМИТ «Ховар»/. Имрӯз, 29 июл муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед бо ноиби президенти Институти стратегияи «Як камарбанд, як роҳ»-и Донишгоҳи Чинхуаи Чин Хуанг Деҳаи мулоқот намуд. Дар ин бора ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Бино ба иттилои манбаъ, вохӯрии мазкур дар доираи лоиҳаи «Тадқиқоти ҳамкории байналмилалӣ барои коҳиши сатҳи камбизоатӣ дар кишварҳои Осиёи Марказӣ» ва тибқи супориши Маркази байналмилалӣ оид ба коҳиши сатҳи камбизоатии кишвари Чин баргузор гардид.
Шодихон Ҷамшед аз ҳамкории ду давлати дӯсту бародар-Ҷумҳурии Тоҷикистон ва Ҷумҳурии Мардумии Чин ёдовар шуда, аз ҷумла иброз намуд, ки талош ва кӯшишҳои роҳбарони ду кишвар- Пешвои миллат муҳтарам Эмомалӣ Раҳмон ва Си Ҷинпин хеле назаррас мебошад.
Ш.Ҷамшед зикр намуд, ки Ҳукумати Ҷумҳурии Тоҷикистон ба масъалаҳои вобаста ба камбизоатӣ диққати махсус зоҳир намуда, дар ин самт якчанд санадҳоро қабул намудааст. Ӯ иброз намуд, ки хушбахтона, сатҳи камбизоатӣ дар Тоҷикистон маҳз дар натиҷаи андешидани тадбирҳои зарурӣ паст карда шуда истодааст.
Ноиби президенти Институти стратегияи «Як камарбанд, як роҳ»-и Донишгоҳи Чинхуаи Чин Хуанг Деҳаи иброз намуд, ки ҳадаф ва мақсади ташрифи онҳо ба Ҷумҳурии Тоҷикистон- огоҳӣ ёфтан аз вазъи камбизоатӣ дар мамлакат мебошад.
Иттилоъ дода шуд, ки дар Чин Маркази байналмилалӣ оид ба коҳиши сатҳи камбизоатӣ фаъолият менамояд, ки мақсади он паст кардани сатҳи камбизоатӣ дар кишварҳои Осиёи Марказӣ мебошад.
Бояд гуфт, ки зимни ин вохӯрӣ ҷонибҳо вобаста ба паҳлуҳои гуногуни масъалаи мазкур мубодилаи афкор намуда, барои ҳамкорӣ ҳавасмандии хешро иброз намуданд.
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
