ФУТБОЛ: «Истиқлол», «Регар-ТадАЗ» ва КМВА «Помир» дар даври сенздаҳуми Чемпионати Тоҷикистон ғолиб омаданд
ДУШАНБЕ, 26.08.2019 /АМИТ «Ховар»/. Бозии марказии даври 13 Лигаи олии футболи Тоҷикистон — ин рақобати дастаҳои «Истиқлол»-и Душанбе ва «Хатлон»-и Бохтар ба шумор мерафт. Бозии ин дастаҳо дар Варзишгоҳи марказии шаҳри Душанбе хеле ҷолиб баргузор шуда, бо ҳисоби калони 5:0 ба фоидаи чемпиони феълии мамлакат -«Истиқлол»-и Душанбе хотима ёфт. Идомаи мавзӯъро шореҳи варзиши АМИТ «Ховар» Меҳрони Қурбон шарҳ медиҳад.
Дар рақобатҳои дигари даври мазкур дастаҳои футболи «Регар-ТадАЗ» -и Турсунзода ва КМВА «Помир»-и Душанбе рақибонашонро мағлуб намуданд.
Чемпионати Тоҷикистон. Лигаи олӣ. Даври 13-ум
«Истиқлол» — «Хатлон» — 5:0
Голҳо: Муҳаммадҷон Раҳимов, 14 (1:0). Шериддин Бобоев, 64 (2:0). Муҳаммадҷон Раҳимов, 67 (3:0). Шериддин Бобоев, 82 (4:0). Алишер Ҷалилов, 84 (5:0)
«Кӯктош» — «Регар-ТадАЗ» — 3:4
Голҳо: Шерзод Маҳамадиев, 21 (0:1). Шерзод Маҳамадиев, 38 (0:2). Амирҷон Сафаров, 45+2 (1:2). Нозим Бобоҷонов, 48 (1:3). Муҳсин Абдуғаффоров, 73 –пеналти (2:3). Шерзод Маҳамадиев, 75 (2:4). Отабек Каримов, 83 (3:4).
КМВА «Помир» — «Панҷшер» — 2:0
Голҳо: Шервонӣ Мабатшоев, 10 –пеналти (1:0). Шодибек Ғаффоров, 75 (2:0).
Ёдовар мешавем, ки бозии марказии даври 12-уми Чемпионати Тоҷикистон-2019 миёни дастаҳои лигаи олӣ-ин рақобат миёни дастаҳои футболи «Истиқлол»-и Душанбе ва «Кӯктош»-и ноҳияи Рӯдакӣ ба шумор мерафт. Гарчанде рақобати ин ду даста пуршиддат сурат гирифт, аммо мухлисон шоҳиди гол нашуданд.
Ҳамин тавр бозии марказии даври мазкур бо ҳисоби мусовии 0:0 хотима ёфт. Дар бозии дигари даври 12-ум дастаи футболи «Регар-ТадАЗ»-и Турсунзода дар хонааш дастаи «Панҷшер»-и Ҷалолиддини Балхиро бо ҳисоби 2:0 мағлуб кард.
Чемпионати Тоҷикистон. Лигаи олӣ. Даври 12-ум
«Регар-ТадАЗ» – «Панҷшер» – 2:0
Голҳо: Нозим Бобоҷонов, 27 (1:0). Нозим Бобоҷонов, 90+3 (2:0).
«Истиқлол» – «Кӯктош» – 0:0
КМВА «Помир» – «Хуҷанд» – 2:1
Голҳо: Давронҷон Эргашев, 28 (0:1). Шервонӣ Мабатшоев, 70 (1:1). Шодибек Ғаффоров, 88 (2:1).
«Истаравшан» – «Хатлон» – 1:2
Голҳо: Аҳтам Ҳамроқулов, 26 (0:1). Наимҷон Иброҳимзода, 45+2 (0:2). Илҳомҷон Баротов, 69 (1:2).
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
