Муҳлати бақайдгирии SIM-кортҳо бо шиносномаи ID то 15 феврали соли 2020 тамдид гардид
ДУШАНБЕ, 16.08.2019/АМИТ «Ховар»/. Муҳлати бақайдгирии SIM-кортҳои телефонҳои мобилӣ дар қаламрави Ҷумҳурии Тоҷикистон бо шиносномаҳои нави ID то 15 феврали соли 2020 тамдид гардид. Дар ин бора қарори дахлдори Ҳукумати Ҷумҳурии Тоҷикистон ба тасвиб расид, хабар дод ба АМИТ «Ховар» муовини аввали сардори Хадамоти алоқаи назди Ҳукумати Ҷумҳурии Тоҷикистон Илҳомҷон Атоев.
Мавсуф зикр кард, ки дар Қарори Ҳукумати Ҷумҳурии Тоҷикистон, ки 15 август аз ҷониби Раиси Ҳукумати Ҷумҳурии Тоҷикистон Эмомалӣ Раҳмон имзо гардида, дар нашрияи расмии Ҳукумати Ҷумҳурии Тоҷикистон –«Ҷумҳурият» нашр шудааст, омадааст, ки рақам ва калимаи «6 моҳ» ба калимаҳои «як сол» иваз карда шаванд. Дар посух ба саволи чӣ теъдод SIM- кортҳо тавассути шиносномаи ID аз нав ба қайд гирифта шудаанд, Илҳомҷон Атоев гуфт, ки то 16 августи соли равон дар ҷумҳурӣ 2 миллиону 350 ҳазору 337 SIM-кортҳо тавассути шиносномаи нав –ID ба қайд гирифта шудаанд.
Намояндаи масъули Хадамоти алоқаи мамлакат зикр кард, ки дар маҷмӯъ дар Тоҷикистон 6,8 миллион нафар шаҳрвандони мамлакат истифодабарандагони телефонҳои мобилӣ буда, аз ин омор 4,8 миллион нафарашон муштариёни фаъол мебошанд. Алҳол дар бозори алоқаи мобилии Тоҷикистон 5 ширкати мобилӣ- «Тселл», «Вавилон Мобайл», «Мегафон Тоҷикистон», «Билайн Тоҷикистон» ва «ТК Мобайл» фаъолият дошта, ба муштариёни худ хизматрасониии мухобиротӣ пешниҳод месозанд.
Дар асоси дастури Ҳукумати Ҷумҳурии Тоҷикистон SIM- кортҳои телефонҳои мобилӣ танҳо дар сурате ба номи соҳибаш аз нав ба қайд гирифта мешаванд, ки дорои шиносномаи нав-ID бошанд.
Тавре дар суҳбат ба хабарнигори АМИТ «Ховар» муовини сардори Хадамоти шиносномавию бақайдгирии Вазорати корҳои дохилии Ҷумҳурии Тоҷикистон Нуралӣ Сафарзода гуфт, аз соли 2014 то инҷониб 2 миллиону 386 ҳазор нафар шаҳрвандони ҷумҳурӣ соҳиби шиносномаҳои нав-ID гардидаанд. Нуралӣ Сафарзода афзуд, ки дар тамоми шаҳру ноҳияҳои мамлакат нуқтаҳои Хадамоти шиносномавию бақайдгирӣ фаъолият доранд, ки соати кории онҳо аз 8:00 то 22:00 ба роҳ монда шудааст.
Тамдид гардидани азнавбақайгирии симкортҳои телефонҳои мобилӣ бо шиносномаҳои нав –ID дар мамлакат дар ҳолест, ки қаблан Вазири корҳои дохилии Ҷумҳурии Тоҷикистон Рамазон Раҳимзода дар нишасти матбуотӣ ба намояндагони расонаҳои хабарӣ гуфта буд, ки бо вуҷуди он ки вақти кории нуқтаҳои шиносномадиҳӣ то соати 22:00 тамдид гардидааст, онҳо фурсати ба тамоми шаҳрвандони мамлакат додани шиносномаи ID –-ро то муҳлати муайян гардида -15 август надоранд.
Бояд тазаккур дод, ки тибқи қарори қаблан қабулнамудаи Ҳукумати Ҷумҳурии Тоҷикистон «Дар бораи тартиб ва талаботи пайвастшавӣ ба шабакаҳои алоқаи барқӣ ва хизматрасониҳои вобаста ба он» (аз 30 апрели соли 2016), ки 15 феврал эътибор пайдо кард, ҳамаи муштариёни телефонҳои мобилӣ бояд SIM-корти худро бо шиносномаҳои ID- намунаи cоли 2014 аз нав ба қайд гиранд.
Марзия САИДЗОДА,
АМИТ «Ховар»
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
