ОБУ ҲАВО: имрӯз дар Тоҷикистон пастшавии ҳарорати ҳаво дар назар аст

ДУШАНБЕ, 09.08.2019. /АМИТ «Ховар»/. 9-10 август дар ҷумҳурӣ ҳавои тағйрёбанда дар назар аст. Ҳарорати  рӯзонаи ҳаво  то 4-6 дараҷа  паст мешавад. Бо истиснои ВМКБ дар  ноҳияҳои алоҳида шамол аз самти ғарб бо шиддатнокии то 19-24 метр дар як сония  вазида, тӯфони чангу ғубор ба амал меояд. Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ имрӯз дар Вилояти Мухтори Кӯҳистони Бадахшон ҳаво тағйирёбандаи бебориш мешавад. Дар  баъзе ноҳияҳои шарқии вилоят борони кӯтоҳмуддат меборад.   Шамол аз самти ғарб бо  суръати 2-7  метр дар як сония  мевазад. Ҳаво дар ғарби вилоят шабона 15+20 ва рӯзона 29+34 дараҷа  гарм мешавад. Дар шарқи вилоят  гармии  ҳаво шабона 7+12 ва  рӯзона ба 16+21  дараҷа  мерасад.

Ҳаво дар вилояти Суғд  тағйирёбанда шуда, дар ноҳияҳои алоҳидаи кӯҳӣ борони кӯтоҳмуддат меборад.  Раъду  барқ ба амал меояд. Шамол аз самти ғарб бо суръати 3-8 ва дар ноҳияҳои алоҳида бо шиддатнокии то 19-24 метр дар як сония  мевазад. Тӯфони  чангу ғубор ба амал меояд. Дар водиҳо шабона гармии ҳаво  19+24 ва рӯзона ба 32+47 дараҷа мерасад. Дар ноҳияҳои кӯҳӣ ҳаво шабона 10+15 ва   рӯзона    22+27  дараҷа гарм мешавад.

Дар  вилояти Хатлон  ҳавои камабри бебориш дар назар аст. Шамол аз самти ғарб бо гузариш ба шарқ бо  суръати 3-8 метр дар як сония мевазад. Ҳаво дар водиҳо шабона 22+27 ва рӯзона 35+40  дараҷа гарм мешавад. Дар  доманакӯҳҳо ҳаво шабона 17+22 ва рӯзона 29+34  дараҷа гарм мешавад.

Дар шаҳру ноҳияҳои тобеи марказ ҳаво тағйирёбандаи   бебориш мешавад.  Шамол аз самти ғарб  бо суръати 3-8, дар ноҳияҳои алоҳида бо шиддатнокии то 13-18 метр дар як сония  мевазад. Тӯфони  чангу ғубор ба амал меояд.  Ҳаво  дар водиҳо шабона 18+23  ва рӯзона 34+39  дараҷа гарм мешавад. Дар  ноҳияҳои кӯҳӣ ҳаво шабона 13+18 ва рӯзона 28+33 дараҷа гарм мешавад.

Ҳаво дар шаҳри Душанбе камабри бебориш  мешавад. Шамол аз самти ғарб бо  суръати 3-8 ва дар баъзе ҳолатҳо бо шиддатнокии то 10-15 метр дар як сония   мевазад. Вазиши чангу ғубор ба амал меояд. Ҳаво шабона 17+19 ва  рӯзона 36+38  дараҷа гарм мешавад.