«ВАРЗИШ – САҲНАИ НОМУСИ МИЛЛАТ». Таҳти ин унвон дар Душанбе бахшида ба Рӯзи варзишгарони Тоҷикистон чорабинии фарҳангӣ баргузор шуд

Август 10, 2019 11:02

ДУШАНБЕ 10.08.2019 /АМИТ «Ховар»/. Дирӯз бахшида ба Рӯзи варзишгарони Тоҷикистон дар Кохи Суруши шаҳри Душанбе таҳти унвони «Варзиш – саҳнаи номуси миллат» чорабинии фарҳангӣ баргузор шуд. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.

Дар оғози чорабинӣ раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, муовини Президенти Кумитаи миллии олимпии Тоҷикистон Аҳтам Абдуллозода варзишгарону мураббиён, собиқадорон ва ҳаводорони варзишро таҳният гуфта, бо хушнуди зикр намуд, ки дар Тоҷикистон ҳар сол 10 август ҳамчун Рӯзи варзишгарон бо шукӯҳу шаҳомати хоса, бо роҳандозии як қатор чорабиниҳои оммавию варзишӣ, бо ҷалби тамоми варзишгарону мураббиён ва ҷавонон таҷлил мегардад ва ба тақвими ҷашнҳои миллии кишвар ворид шудани он гувоҳ аз рушди соҳаи тарбияи ҷисмонӣ ва варзиш дар мамлакат мебошад.

«Ба роҳ мондани тадбирҳои шоиста ва сазовор дар самти таҷдиду азнавсозӣ ва бунёду ба истифода додани як қатор маҷмааву варзишгоҳҳо дар тамоми манотиқи кишвар гувоҳ аз таваҷҷуҳи ҳамешагии Роҳбари давлат дар ин самт аст, — тазаккур дод А. Абдуллозода ва илова намуд, ки таъсиси Ҷоизаи Президенти Ҷумҳурии Тоҷикистон барои ғолибон ва ҷоизадорони мусобиқаҳои байналмилалӣ ва эҳёи намудҳои варзиши миллӣ шаҳодати онанд, ки дастгирӣ ва рушд бахшидани соҳаи варзиш як қисмати сиёсати ҷавонпарваронаи Пешвои муаззами миллатро ташкил медиҳад».

Дар идома раиси Кумитаи кор бо ҷавонон ва варзиш ёдовар шуд, ки нишондоду оморҳои назаррас гувоҳи онанд, ки варзиши тоҷик ҳар соату дақиқа рӯ ба пешравӣ ниҳодааст. Танҳо соли ҷорӣ дар шаҳру навоҳии кишвар 125 иншооти гуногуни варзишӣ сохта ба истифода дода шуд ва шумораи умумии иншооти варзишии кишвар ба 9835 адад расид.

Ҳамчунин таъкид гардид, ки ба хотири оммавигардонии варзиш ва ҷалб кардани наврасону ҷавонон ба намудҳои гуногуни варзиш дар шаш моҳи соли ҷорӣ 4600 мусобиқаи гуногун, аз қабили чемпионатҳои Ҷумҳурии Тоҷикистон, мусобиқаҳои ҷумҳуриявӣ, мусобиқаҳои интихобии вилоятӣ, минтақавӣ ва шаҳриву ноҳиявӣ баргузор шуд, ки дар онҳо ҳудуди 734 ҳазор варзишгар иштирок ва қувваозмоӣ карданд. Шумораи умумии чорабиниҳои варзишии доиршуда ба 6446 адад мерасад, ки дар онҳо қариб 1,3 миллион наврасу ҷавон ва аҳолии кишвар ҷалб шудаанд ва ҳудуди 25 фисадашро занону бонувон ташкил медиҳанд.

Сипас, барномаи фарҳангии ҳунармандони кишвар пешкаши варзишгарону мураббиён, масъулони соҳа ва ҳаводорони варзиш гардид.

Август 10, 2019 11:02

Хабарҳои дигари ин бахш

ФУТБОЛ. Имрӯз дастаи «Равшан» дар Лигаи дуюми чемпионҳои Осиё бозии якумашро анҷом медиҳад
Дар Минск мусобиқаи футбол ба муносибати ҷашни Рӯзи истиқлолияти Ҷумҳурии Тоҷикистон баргузор гардид
«Истиқлол» дар доираи даври аввали Лигаи чемпионҳои Конфедератсияи футболи Осиё-2 бо «Шарҷа» бозӣ мекунад
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал нахустин бозиро анҷом дод
Дар шаҳри Хоруғ мусобиқаи ҷумҳуриявӣ аз намуди таэквондо баргузор гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал бо тими миллии Марокаш бозӣ мекунад
Дар Душанбе мусобиқаи футбол байни кормандони намояндагиҳои дипломатии муқими Тоҷикистон оғоз ёфт
Дар Чемпионати ҷаҳон оид ба ҷудо байни ҷавонон аз Тоҷикистон 17 варзишгар иштирок менамояд
Шоҳмотбозони тоҷик дар Олимпиадаи 45-уми ҷаҳонӣ дар Будапешт сабқат доранд
Дар Ниммарафони байналмилалии кӯҳии Эко дар Ҳафткӯли Тоҷикистон варзишгарони 12 давлати ҷаҳон ҷамъ омаданд
ЧЕМПИОНАТИ ҶАҲОН-2024. Ҳайати дастаи мунтахаби Тоҷикистон оид ба футзал муайян гардид
ЧЕМПИОНАТИ ҶАҲОН-2024. Дастаи мунтахаби Тоҷикистон оид ба футзал вориди Тошканд гардид