Академияи идоракунии давлатӣ аз довталабон дар макони зисташон имтиҳон мегирад
ХОРУҒ, 30.09.2019. /АМИТ «Ховар»/. Дар шаҳри Хоруғ 20 нафар кормандони мақомоти иҷроияи ҳокимияти давлатии вилоят, ки дар мансабҳои хизмати давлатӣ адои вазифа мекунанд, барои дохил шудан ба бахши магистратураи Академияи идоракунии давлатии назди Президенти Ҷумҳурии Тоҷикистон имтиҳон супориданд.
Аз 20 нафар довталаб танҳо 8 нафар ба Академияи мазкур қабул карда мешаванд. Ба гуфтаи корманди ин Академия Муҳаммад Ализода, бори аввал аст, ки довталабони Академияи идоракунӣ бевосита дар макони зисти худ имтиҳон месупоранд.
Қаблан барои шомил шудан ба ин Академия довталабон маҷбур буданд, ки ба шаҳри Душанбе сафар кунанд ва дар он ҷо дониши худро санҷанд. Дар сурати ноком шудан боз ба зодгоҳашон бармегаштанд ва ба қавле маблағашон беҳуда масраф мешуд. Инро ба инобат гирифта, маъмурияти Академия имсол қарор дод, ки имтиҳонро бевосита дар маҳали зисти довталабон баргузор намояд. Довталабон аз ду фан имтиҳон месупоранд- фанни асосҳои давлат ва ҳуқуқ ва таърихи халқи тоҷик. Ҳамчунин яке аз шартҳои дохилшавӣ ба бахши магистратураи Академия доштани собиқаи дусолаи корӣ ба сифати хизматчии давлатӣ ва донистани забонҳои хориҷӣ мебошад. Шиносоии комил бо таҷҳизоти муосири коммуникатсионӣ ва истифодаи дуруст аз барномаҳои мухталифи компютерӣ яке аз дигар талаботи аслӣ ба шумор меравад.
Онҳое, ки ба магистратура дохил мешаванд, метавонанд баъди анҷоми таҳсил фаъолияташонро дар ҷойи кори қаблӣ давом диҳанд, зеро тибқи қонунгузорӣ вазифаи пештараашон ҳифз карда мешавад.
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
