Дар таҷлили ҷашни Истиқлолияти давлатӣ дар шаҳри Ҳисор муовини Сарвазири мамлакат Азим Иброҳим ширкат намуд
ДУШАНБЕ, 10.09.2019/АМИТ «Ховар»/. Сокинони шаҳри Ҳисор чун мардуми дигар шаҳру ноҳияҳои мамлакат 28-умин солгарди ҷашни Истиқлолияти давлатии Ҷумҳурии Тоҷикистонро дар фазои сулҳу субот бо дастовардҳои бузурги меҳнатӣ таҷлил намуданд.
Зимни ҷамъомади тантанавие, ки ба ифтихори ин санаи таърихӣ дар Варзишгоҳи марказии шаҳри Хисор доир гардид, муовини Сарвазири Ҷумҳурии Тоҷикистон Азим Иброҳим ва раиси шаҳри Ҳисор Шарифҷон Ҷумъазода сокинони ин шаҳри бостониро бо ҷашни бузурги Истиқлолияти давлатӣ табрик намуда, ба онҳо тансиҳатӣ, хонаободӣ ва дар роҳи ҳифзи музаффариятҳои Истиқлолияти давлатӣ, ваҳдати миллӣ ва саҳм гузоштан дар раванди корҳои бунёдкорию ободонӣ дар мамлакат комёбиҳо орзу намуданд.
Муовини Сарвазири мамлакат Азим Иброҳим зикр намуд, ки сокинони шаҳри Ҳисор ҷиҳати иҷрои нақшаи чорабиниҳо бахшида ба Солҳои рушди деҳот, сайёҳӣ ва ҳунарҳои мардумӣ ба дастовардҳои назаррас, шоҳкориҳои олии зеҳниву маънавӣ мушарраф гардида, дар рушду пешрафти ҷомеаи Тоҷикистони соҳибистиқлол саҳми муносиб мегузоранд.
Гуфта шуд, ки сокинони шаҳри Ҳисор дар роҳи ҳифзи Истиқлолияти давлатӣ, анъанаҳои неки аҷдодӣ, ҳувият, худшиносии миллӣ ва баланд бардоштани маърифати шаҳрдорӣ дучанд фаъолият намуда, бо бунёд, таъмир ва навсозии беш аз 610 иншооти нақшавӣ бахшида ба ҷашни таърихии 30-солагии Истиқлолияти давлатӣ Ҳисорро ба яке аз шаҳрҳои пешрафтаи иқтисодӣ, саноатию аграрӣ ва минтақаи сайёҳии Тоҷикистон табдил медиҳанд.
Ҳамзамон муовини Сарвазири мамлакат Азим Иброҳим ба се нафар сокинони шаҳри Ҳисор дар маросими ботантана мукофотҳои давлатӣ тақдим намуд. Барномаи консертии аҳли фарҳанги шаҳр ба базмгоҳи ҷашнӣ шукӯҳи хосса зам намуд.
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
НАЗАРИ КОРШИНОС. Робитаҳои Ҷумҳурии Тоҷикистон бо Ҷумҳурии Исломии Эрон бар пояи пайвандҳои таърихӣ асос ёфтаанд
САДА, ИН ПАРТАВИ ХУРШЕДИИ ИСТИҚЛОЛ АСТ! Имсол ин ҷашни бостониро дар Тоҷикистон 25-26 январ ҷашн мегиранд
