ОЗМУНИ FLEX ДАР СОЛИ 2019: ба хонандагони синфҳои болоии мактабҳои миёнаи Тоҷикистон бори дигар имконияти таҳсил ва зисти ройгон дар ИМА пешниҳод мешавад
ДУШАНБЕ, 18.09.2019. /АМИТ «Ховар»/. Интихоби иштирокчиён ба барномаи стипендиалии мубодилаи хонандагони синфҳои болоии «FLEX» 21 сентябр оғоз меёбад. Стипендияҳо барои таҳсили ройгон дар ИМА барои хонандагони синфҳои болоӣ пешниҳод мегарданд. Намояндагони барномаи FLEX аз рӯзи шанбе гузаронидани ду давраи аввали тестҳоро дар ёздаҳ шаҳри Тоҷикистон шурӯъ менамоянд, иттилоъ медиҳад хабарнигори АМИТ «Ховар».
Муовини директори шӯроҳои амрикоӣ дар Тоҷикистон Нона Маҷидӣ шарҳ медиҳад: «Одамон метавонанд чипта харида, ба Амрико сафар кунанд, ёдгориҳои таърихиро бинанд, хӯрокҳои амрикоиро бичашанд, аммо барномаи мубодилавии FLEX ба хонандагон имконият медиҳад, ки Амрикоро ройгон ва бештар аз сайёҳон бинанд, дар оилаи мизбони амрикоӣ зиндагӣ намоянд, тӯли як соли хониш дар мактаби амрикоӣ таҳсил кунанд!»
Соли ҷорӣ беш аз 35 ғолиб барои иштирок дар барномаи соли таҳсили 2020-2021 интихоб мегарданд. Ғолибон дар оилаҳои мизбони интихобгардида зиндагӣ мекунанд, дар мактаби миёнаи амрикоӣ таҳсил мекунанд ва барномаи шиносоиро мегузаранд. Барнома пардохти рафтуомад аз хона то Иёлоти Муттаҳида, хароҷоти моҳонаи зиндагӣ ва суғуртаи тиббиро (он табобати бемориҳои то сафар ба ИМА вуҷуддоштаро дарбар намегирад) таъмин менамояд.
«Хусусияти барнома дар он аст, ки на танҳо даҳҳо хонандагон аз Тоҷикистон фарҳанги амрикоиро омӯхта, чун амрикоиён зиндагӣ мекунанд, балки оилаҳои қабулкунанда ва ҷомеаи амрикоӣ низ дар баробари қабул кардани хонандагон бо фарҳанги Тоҷикистон шинос мешаванд, – мегӯяд Нона Маҷидӣ. — Ҳар сол оилаҳо бо камоли майл пухтани оши палаву қурутобро меомӯзанд, аз идҳои миллии Тоҷикистон, ба монанди Наврӯз огоҳӣ меёбанд».
Таъсиси барномаи мубодилавии FLEX аз ҷониби Конгресси Иёлоти Муттаҳидаи Амрико пешниҳод гардида буд, то ки ба мардуми ИМА ва Тоҷикистон дар рушду тавсеаи ҳамдигарфаҳмӣ ёрӣ расонад. Барнома 28 сол боз вуҷуд дошта, аз ҷониби ҳукумати ИМА маблағгузорӣ ва аз тарафи Бюрои барномаҳои таҳсилотиву фарҳангии Департаменти давлатии ИМА идора мегардад.
Барномаи FLEX ғайр аз Тоҷикистон дар Арманистон, Озарбойҷон, Чехия, Эстония, Венгрия, Гурҷистон, Юнон, Қазоқистон, Қирғизистон, Латвия, Литва, Молдова, Полша, Муғулистон, Руминия, Словакия, Туркманистон ва Украина фаъолият мекунад.
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
