Шукурҷон Зуҳуров ва Фахрӣ Ҳамза масъалаи таъсиси ширкатҳои муштаракро дар соҳаҳои мухталиф баррасӣ намуданд
ДУШАНБЕ, 20.09.2019. /АМИТ «Ховар»/. Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ва муовини Раиси Маҷлиси намояндагони Ҷумҳурии Индонезия Фахрӣ Ҳамза масъалаи таъсиси ширкатҳои муштарак дар соҳаи саноати сабук, коркарди ангишт, сайёҳӣ ва бизнеси меҳмонхонаҳоро баррасӣ намуданд.
Тавре котиби матбуоти палатаи поёнии Парлумони Тоҷикистон Муҳаммадато Султонов ба мухбири АМИТ «Ховар» иттилоъ дод, мулоқоти ҷонибҳо имрӯз, 20 сентябр дар шаҳри Душанбе доир гардида, зимни он инчунин масъалаҳои вобаста ба ҳамкории минтақавию байналмилалии Тоҷикистону Индонезия муҳокима карда шуданд.
Ҷонибҳо ба рушду тавсеаи бештари муносибатҳои байнидавлативу байнипарлумонӣ таваҷҷуҳи махсус зоҳир намуда, баргузории муколамаҳои мунтазами сатҳи баланди сиёсиро асоси таҳкими ҳамкории ду мамлакати дӯст ҳисобиданд.
«Шукурҷон Зуҳуров иброз дошт, ки мо комёбиҳои мардуми Индонезияро дар шоҳроҳи рушди иқтисодию иҷтимоии мамлакат баланд арзёбӣ намуда, нақши созандаи ин давлатро дар умури минтақавӣ ва байналмилалӣ шоистаи таҳсин меҳисобем»,- афзуд манбаъ.
Зикр гардид, ки мувофиқаҳои зимни сафари Асосгузори сулҳу ваҳдати миллӣ, Пешвои миллат — Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Индонезия дар соли 2016 ҳосилгардида дар таҳкиму тавсеаи муносиботи дӯстӣ ва ҳамкории судманди дуҷониба заминаи устувор гузоштанд.
Ба иттилои манбаъ, дар баробари муҳокимаи вазъи ҳамкории иқтисодиву иҷтимоӣ ва сиёсии дуҷониба оид ба робитаҳо дар ҷодаи сайёҳӣ, сармоягузорӣ, тандурустӣ ва маориф гуфтугӯ сурат гирифт.
Гуфта шуд, ки давоми солҳои 2015-2019 дар доираи Барномаи омӯзишии бурсиявӣ барои хориҷиён — «Дармасисва» ба шаҳрвандони Тоҷикистон 45 бурсия пешниҳод гардида, ҷавонони тоҷик дар Индонезия ба омӯзиши фарҳанг ва забони индонезӣ машғул гардиданд.
«Фаъол будани гурӯҳҳои дӯстии байнипарлумонӣ омили асосии рушди робитаҳои дуҷониба буда, бо истифода аз онҳо метавон имкониятҳои мавҷударо ба нафъи парлумонҳо истифода бурд»,- иброз дошт Шукурҷон Зуҳуров дар фарҷоми мулоқот.
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
Ҷаласаи ғайринавбатии Шурои Маҷлиси намояндагони Маҷлиси Олӣ баргузор гардид
Кумитаи доимии Ассамблеяи парлумонии Осиё Қатънома оид ба фарҳанги истифодаи оқилонаи захираҳои обро қабул намуд
Кумитаи доимии Ассамблеяи парлумонии Осиё Қатънома оид ба таҳкими фарҳанги сулҳ, таҳаммулпазирӣ ва эҳтироми арзишҳои фарҳангии миллатҳоро қабул намуд
Файзалӣ Идизода бо Котиби генералии Ассамблеяи парламентии Осиё Муҳаммадризо Маҷидӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Фаъолияти мақоми қонунгузор барои пешрафти давлат равона шудааст
Вохӯрии роҳбарони гурӯҳҳои дӯстии байнипарлумонии Ҷумҳурии Тоҷикистон ва Давлати Қатар доир шуд
Муҳаммадризо Маҷидӣ: «Фарҳанг чун яке аз пояҳои муколама ва ҳамдигарфаҳмӣ байни мардуми Осиё хизмат менамояд»
Файзалӣ Идизода: «Ассамблеяи парламентии Осиё дар ташаккули фазои ҳамдигарфаҳмӣ ва ҳамбастагӣ нақши муҳим дорад»
