Дар Беморхонаи марказии ноҳияи Ёвон шуъбаҳои нави ҷарроҳӣ ба истифода дода шуданд
ДУШАНБЕ, 09.10.2019./АМИТ «Ховар»/. 9 октябр Раиси вилояти Хатлон Қурбон Ҳакимзода бо Вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода бинои нави беморхонаи марказии ноҳияи Ёвонро ифтитоҳ намуданд. Дар беморхона шуъбаҳои ҷарроҳии тоза, ҷарроҳии фасодӣ (барои калонсолон) ва утоқи ҷарроҳӣ ба истифода дода шуд.
Тавре Раиси вилояти Хатлон дар мулоқот бо табибон иброз намуд, «кормандони соҳаи тиб бояд ҳамеша ба савганди худ содиқ бошанд ва ба халқи азизамон софдилона хизмат кунанд».
«Пешвои миллат, Президенти мамлакатамон муҳтарам Эмомалӣ Раҳмон борҳо таъкид кардаанд, ки вориси Абӯалӣ ибни Сино будан танҳо доштани маълумоти олии тиббӣ ва пӯшидани хилъати сафед нест, балки идома додани афкору андеша ва маҳорати касбии ин чеҳраи нотакрори Шарқ мебошад. Итминон дорам, ки табибони мо ба нафъи ҷомеа ва солимии он минбаъд талоши бештар хоҳанд кард»,- зикр намуд Қурбон Ҳакимзода.
Барои таъмиру тармими беморхонаи марказии ноҳияи Ёвон аз тарафи Ҳукумати Ҷумҳурии Тоҷикистон 30 миллион сомонӣ ҷудо гардидааст, ки аз ин ҳисоб бо харҷи 10,2 миллион сомонӣ шуъбаҳои ҷарроҳии тоза, ҷарроҳии фасодӣ (барои калонсолон) ва утоқи ҷарроҳӣ сохта ва бо таҷҳизоти муосир муҷаҳҳаз гардонида шудаанд. Маблағи сохтмон 9,4 миллион сомонӣ ва таҷҳизот 805 ҳазор сомониро ташкил медиҳад.
Дар шуъбаҳои мазкур зиёда аз 50 ҳуҷра, аз ҷумла 4 ҳуҷра барои шахсони имтиёздор ва 65 кат ҷойгир шудаанд.
Ҳамчунин се синфхонаи барои таҷрибаомӯзон пешбинӣ гардида бо тахтаҳои электронӣ ва дигар ашёи таълимӣ муҷаҳҳаз гардонида шудаанд.
Шуъбаҳо бо низоми марказонидашудаи гармидиҳӣ, системаи ҳушдордиҳанда аз сӯхтор ва камераҳои мушоҳидавӣ муҷаҳҳаз мебошанд.
Ҳамчунин бинои нав дорои маҷлисгоҳест, ки барои 160 ҷойи нишаст пешбинӣ гардидааст.
Ёдовар мешавем, ки ҷиҳати иҷрои Амри Президенти Ҷумҳурии Тоҷикистон аз 22 майи соли 2018 ба муносибати 30-солагии истиқлолияти давлатӣ дар ҷумҳурӣ то соли 2021 якҷо бо соҳибкорон бунёд ва таъмиру навсозии муассисаҳои тиббӣ вусъат дода мешавад.
Сатҳи шоистаи зиндагии аҳолӣ дар маркази сиёсати Пешвои миллат қарор дорад
Дар Душанбе Донишгоҳи байналмилалии минтақавии тандурустӣ таъсис дода мешавад
ҲИЗБИ ХАЛҚИИ ДЕМОКРАТИИ ТОҶИКИСТОН — ҲАМҚАДАМИ ИСТИҚЛОЛ. Бо чунин унвон дар ноҳияи Фирдавсӣ барномаи фарҳангӣ доир шуд
Ба ноҳияҳои Тоҷикистон 18 нақлиёти ёрии таъҷилӣ тақдим гардид
Оид ба дастовардҳои соҳаи меҳнат, муҳоҷират ва шуғли аҳолӣ дар даврони Истиқлолияти давлатӣ конференсияи илмӣ–амалӣ доир гардид
Самтҳои афзалиятноки рушди таҳсилоти касбӣ бо намояндагони Бонки Осиёии Рушд баррасӣ гардид
ОГОҲӢ! Аз 21 то 24 август дар баъзе минтақаҳои Тоҷикистон омадани сел пешгӯӣ мешавад
Натиҷаҳои амалишавии Лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
Дар Тоҷикистон беш аз 5 ҳазор муассисаи тандурустӣ фаъолият мекунад
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
