Муроҷиати шаҳрванди пойтахт ба суроғаи электронии Раёсати Вазорати корҳои дохилӣ дар шаҳри Душанбе баррасӣ гардид

Октябрь 11, 2019 10:50

ДУШАНБЕ, 11.10.2019./АМИТ «Ховар»/. Кормандони Бозрасии давлатии  автомобилии  Раёсати Вазорати корҳои дохилӣ дар шаҳри Душанбе  ронандаҳои вайронкунандаи қоидаиҳои ҳаракат дар роҳро, ки истиқоматкунандаҳои шаҳри Душанбе — Фахриддин Одинаев  (мошинаи тамғаи Лексус 250, қайди давлатиаш 0004НО01),   Ҳасан Сафаров (мошини тамғаи Хундай Солярис мансуб ба Ширкати «Рахш-таксӣ», қайди давлатиаш 8423 ТТ05) ва Акмал Неъмонов (мошини  тамғаи Опел-зефира, рақами қайди давлатиаш 2986НА01) мебошанд, ба ҷавобгарӣ кашиданд.

Тавре аз маркази матбуоти Раёсати ВКД дар шаҳри Душанбе   ба АМИТ «Ховар» хабар доданд,  як сокини  пойтахт ҳисси баланди шаҳрвандӣ нишон дода,  ба суроғаи электронии  Раёсати Вазорати корҳои дохилии Ҷумҳурии  Тоҷикистон  дар шаҳри Душанбе  навори  ҳолатҳои вайрон намудани қоидаҳои ҳаракати роҳро  аз ҷониби ронандагони мазкур   ирсол намуд. Кормандони БДА Раёсати ВКД дар шаҳри Душанбе  ин муроҷиатро  мавриди баррасӣ қарор дода,  нисбат ба ин ронандагон  барои дағалона вайрон намудани қоидаҳои ҳаракат дар роҳ  санадҳои маъмурӣ тартиб доданд.

Ёдовар мешавем, ки Раёсати Вазорати корҳои дохилии Ҷумҳурии  Тоҷикистон дар шаҳри Душанбе бо мақсади пешгирии  қоидавайронкуниҳои дағали ҳаракат дар роҳ ва  амалу кирдорҳои номатлуб дар ҷомеа  қабули муроҷиати шаҳрвандонро тариқи  суроғаи электронӣ (rvkddushanbe@mail.ru), телефони боварӣ (+99237) 221-15-00) ва саҳифаи расмии Раёсат дар Фейсбук  «Раёсати ВКД дар шаҳри Душанбе» ба роҳ мондааст.

Раёсати ВКД дар шаҳри Душанбе шаҳрвандон, сокинон ва меҳмонони пойтахтро    ба ҳамкорӣ даъват менамояд. Онҳо дар сурати шоҳиди ин ё он кирдори зиддиҳуқуқӣ гардидан метавонанд  тавассути суроғаҳои  зикршуда ба Раёсати ВКД дар шаҳри Душанбе муроҷиат намоянд.

Октябрь 11, 2019 10:50

Хабарҳои дигари ин бахш

Дар Агентии хизмати давлатӣ масъалаи пардохти музди меҳнати хизматчиён ҳангоми таҳсил баррасӣ гардид
ШАҲРИ ЗЕБОИ МАН. Милитсияи Хатлон ба истиқболи 35-солагии Истиқлоли давлатӣ ба бунёдкорӣ иқдом гирифт
«МАКТАБИ СИЁСИИ ПЕШВОИ МИЛЛАТ». Таҳти ин унвон дар шаҳри Бохтар конференсияи байналмилалии илмӣ-амалӣ доир мегардад
ХУРОФОТ ҶАҲОЛАТ АСТ. Дар ҷамоатҳои шаҳри Исфара бо сокинон оид ба хатари таассуб мулоқот доир шуд
Охири моҳи апрел ва аввали май Тоҷикистонро ҳавои номусоид интизор аст. Таъсири он ба соҳаи кишоварзӣ чӣ гуна аст?
Дар якчанд минтақаҳои Тоҷикистон корҳои безараргардонии жола анҷом ёфтанд
«ДӮСТ ОЯД ГАРМ ДАР ОҒӮШ ГИР!». Дар Тоҷикистон аввалин меҳмонии ҷавонони ҷумҳурӣ дар минтақаҳо оғоз шуд
Дар Конибодом доир ба оқибатҳои ногувори таассубу хурофотпарастӣ ва омилҳои пешгирии он мулоқот доир шуд
Дар Душанбе масоили ҳуқуқ, таҳсил ва бокортаъминкунии маъюбон таҳлилу баррасӣ гардид
Дар Тоҷикистон мавсими эҳтимолии сел, обхезӣ ва сангрезӣ аст. Чиро бояд дар хотир дошт?
Дар Восеъ довталабони хизмати аскарӣ соҳиби шаҳодатномаи ронандагӣ шуданд
Ба беморхонаи ноҳияи Шуғнон нақлиёти «Ёрии таъҷилии тиббӣ» тақдим гардид