Ҷоми Тоҷикистон-2019: «Истиқлол» дастаи «Ҳулбук»-ро бо ҳисоби 5:0 мағлуб намуд

Октябрь 3, 2019 15:44

ДУШАНБЕ,03.10.2019 /АМИТ «Ховар»/. Бозиҳои аввали нимниҳоии Ҷоми Тоҷикистон-2019 оид ба футбол бо ширкати чаҳор даста (се дастаи лигаи олӣ ва як дастаи лигаи аввал) баргузор шуданд. Дар як бозӣ мизбонон ғолиб омаданд, бозии дигар бо натиҷаи мусовӣ хотима ёфт. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи  футболи Тоҷикистон иттилоъ  медиҳад.  

Тибқи иттилои манбаъ, дастаи Лигаи олӣ — «Истиқлол»-и Душанбе — дар Варзишгоҳи марказии шаҳри  Ҳисор намояндаи лигаи аввал — «Ҳулбук»-и Восеъро бо ҳисоби  калони  5:0 мағлуб намуд. Дар ин вохӯрӣ чаҳор голи дастаи «Истиқлол»-ро Муҳаммадҷон Раҳимов ва як голи дигарро Искандар Ҷалилов ба ҳадаф  расониданд.

Дар бозии дигар, ки дар Варзишгоҳи «20-солагии Истиқлолияти Тоҷикистон»-и шаҳри Хуҷанд доир гардид, ду дастаи Лигаи олӣ — «Хуҷанд» ва «Регар-ТадАЗ»-и Турсунзода бо ҳам рақобат карданд. Ин бозӣ бо ҳисоби мусовии 1:1 хотима ёфт. Оятулло Сафаров, бозингари меҳмонон, дар нимаи аввали дидор ҳисобро боз кард. Голи ҷавобиро Дилшод Бозоров дар нимаи дуюми дидор зад.

Бозиҳои ҷавобии нимниҳоии Ҷоми Тоҷикистон-2019 рӯзҳои 2-3 ноябр доир мегарданд.

Ҷоми Тоҷикистон-2019

1/2 финал. Бозиҳои аввал

1 октябр (сешанбе)

«Истиқлол» – «Ҳулбук» — 5:0

Голҳо: Муҳаммадҷон Раҳимов, 26 (1:0). Муҳаммадҷон Раҳимов, 38 (2:0). Муҳаммадҷон Раҳимов, 69 (3:0). Искандар Ҷалилов, 86 (4:0). Муҳаммадҷон Раҳимов, 90+2 (5:0).

Беҳтарин бозингари дидор: Муҳаммадҷон Раҳимов («Истиқлол»).

Сардовар: Абдурашид Муродов (Турсунзода).

2 октябр. Ҳисор. Варзишгоҳи марказӣ. 500 тамошобин.

«Хуҷанд» – «Регар-ТадАЗ» – 1:1

Голҳо: Оятулло Сафаров, 24 (0:1). Дилшод Бозоров, 58 (1:1).

Беҳтарин бозингари дидор: Расул Пайзов («Регар-ТадАЗ»).

Сардовар: Беҳрӯз Муртазоев (Душанбе).

2 октябр. Хуҷанд. Варзишгоҳи «20-солагии Истиқлолияти Тоҷикистон». 3000 тамошобин.

Ёдовар мешавем, ки мусобиқа барои Ҷоми Тоҷикистон аз соли 1992 инҷониб бори 28-ум аст, ки баргузор шуда истодааст. Дар ин муддат ҳамагӣ даҳ даста барандаи Ҷом гардидаанд. Аз ҳама бештар – ҳафт бор – «Истиқлол»-и Душанбе Ҷоми Тоҷикистонро ба даст овардааст. Дастаҳои футболи «Регар-ТадАЗ»-и Турсунзода шаш бор, «Хуҷанд»-и Хуҷанд чаҳор бор, «Вахш»-и Қӯрғонтеппа, «Варзоб»-и Душанбе ва «Парвоз» (собиқ «Авиатор»)-и Бобоҷон Ғафуров дуборӣ, «Помир»-и Душанбе, «Ситора»-и Душанбе, «Равшан»-и Кӯлоб ва «Пахтакор»-и ноҳияи Ҷаббор Расулов якборӣ Ҷоми Тоҷикистонро соҳиб гаштаанд.

Октябрь 3, 2019 15:44

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад