Пагоҳ роҳбарияти шаҳри Душанбе бо ҳайати шаҳри Сямени Ҷумҳурии Мардумии Чин мулоқот менамояд

Октябрь 23, 2019 16:40

ДУШАНБЕ, 23.10.2019./АМИТ «Ховар»/.  Пагоҳ, 24 октябр,  дар Муассисаи давлатии «Душанбе –Плаза» мулоқоти   роҳбарияти шаҳри Душанбе бо  ҳайати  шаҳри Сямени Ҷумҳурии Мардумии Чин таҳти роҳбарии Раиси Кумитаи умумичинии мардумию сиёсии Шӯрои машваратии шаҳри Сямен  Чжан Сзян  сурат мегирад.  Мақсад аз мулоқоти мазкур таҳкими ҳамкории мутақобилан судманди дуҷониба дар асоси «Созишнома байни мақомоти иҷроияи ҳокимияти давлатии шаҳри Душанбе  ва Ҳукумати ҳалқии шаҳри Сямэни Ҷумҳурии Мардумии Чин дар бораи ҳамкории тиҷоратӣ –иқтисодӣ», ки  20 июни соли 2013 ба имзо расида буд, мебошад.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, ҳайати мазкур  шоми имрӯз ба Тоҷикистон ташриф меорад.

Ба иттилои манбаъ,  дар ҳошияи сафари мазкур  баргузории  мулоқоти  ин  ҳайат бо роҳбарияти шаҳри Душанбе ва Маҷлиси намояндагони Маҷлиси Олии Ҷумҳурии Тоҷикистон дар назар дошта шудааст.

Ҳамчунин меҳмонон   аз Мамнуъгоҳи фарҳангӣ-таърихии «Қалъаи Ҳисор»-и шаҳри Ҳисор ва як зумра  корхонаву муассиса, марказҳои фарҳангиву фароғатӣ ва мавзеъҳои ҷолиби шаҳри Душанбе боздид ба амал меоранд.

Мавриди зикр аст, ки шаҳри Душанбе то имрӯз бо шаҳрҳои Урумчӣ (10 сентябри соли 1999), Сямен (20 июни соли 2013) ва музофоти Хайнан ( 21 августи соли 2017), шаҳри  Чиндаои Ҷумҳурии Мардумии Чин (18 сентябри соли 2018)  робитаҳои бародаршаҳрӣ барқарор намудааст.

Хотиррасон  мешавем, ки соли 2013 шаҳри Сямени Ҷумҳурии Мардумии Чин бо шаҳри Душанбе аҳдномаи бародаршаҳрӣ баста буд.

20 июни соли 2013  дар шаҳри Душанбе Ёддошти тафоҳум дар бораи барқарор намудани муносибатҳои бародаршаҳрӣ байни шаҳрҳои Душанбеи Ҷумҳурии Тоҷикистон ва Сямэни Ҷумҳурии Мардумии Чин ва Созишномаи байни Мақомоти иҷроияи маҳаллии ҳокимияти давлатӣ дар шаҳри Душанбеи Ҷумҳурии Тоҷикистон  ва Ҳукумати Халқии шаҳри Сямэни Ҷумҳурии Мардумии Чин дар бораи ҳамкории тиҷоратӣ-иқтисодӣ ба имзо расидааст.

Ёдовар  мешавем, ки  18 сентябри соли 2018  Мақомоти иҷроияи ҳокимияти давлатии шаҳри Душанбе ва Ҳукумати халқии шаҳри Чиндао Протокол дар бораи барқарор намудани муносибатҳои бародаршаҳрӣ байни шаҳри Душанбеи Ҷумҳурии Тоҷикистон ва шаҳри Чиндаои  Ҷумҳурии Мардумии Чинро  ба имзо расониданд. Санади мазкурро аз ҷониби Мақомоти иҷроияи ҳокимияти давлатии шаҳри Душанбе Раиси шаҳри Душанбе Рустами Эмомалӣ ва аз ҷониби Ҳукумати халқии ин шаҳр Раиси шаҳри Чиндао  Менг Фанли имзо карданд.

Бояд зикр намуд, ки Чиндао яке аз шаҳрҳои калонтарини Чин буда, бо аҳолии тақрибан 10 миллион нафарааш маркази калони тиҷоративу иқтисодӣ, таърихию фарҳангӣ, сайёҳиву баҳрнавардӣ, «пойтахти кино  ва олимпиада», маркази илмию тадқиқотии баҳрӣ дар соҳаи инноватсионӣ ба шумор меравад.

Чиндао бо зиёда аз 700 бандари ҷаҳонӣ робитаҳои ҳамкорӣ дошта, бо 70 шаҳри ҷаҳон дар қолаби бародаршаҳрӣ муносибатҳои тиҷоративу иқтисодӣ ба роҳ мондааст.

Октябрь 23, 2019 16:40

Хабарҳои дигари ин бахш

Дар Душанбе даври ҷумҳуриявии озмуни «Сайри гули лола» баргузор мегардад
Имрӯз дар «Кохи Суруш»- и шаҳри Душанбе Рӯзи пойтахти Ҷумҳурии Тоҷикистон таҷлил карда шуд
ДУШАНБЕ-ШАҲРИ КӮДАКОНИ ХУШБАХТ! Дар пойтахт сохтмони 56 муассисаи таҳсилоти томактабӣ идома дорад
ДУШАНБЕ-ШАҲРИ РАВАНДСОЗ. Ин равандҳо фарогири доираи васеи кишварҳо аз чор қитъаи олам- Осиё, Аврупо, Африқо ва Амрико мебошад
ТУ ШАҲРИ ГУЛБАДОМОНӢ, ДУШАНБЕ ! Ба Рӯзи пойтахти Ҷумҳурии Тоҷикистон бахшида мешавад
ПОЙТАХТ — СИМОИ МИЛЛАТУ ДАВЛАТ! Иқтибосҳо аз суханрониҳои Президенти Тоҷикистон ба муносибати Рӯзи пойтахт
Шаҳриёри шаҳри умеду орзуҳо ва идомадиҳандаи роҳи ниёгони некном
ДУШАНБЕИ ДИГАР. Бинои нави Парлумони Тоҷикистон дар пойтахти кишвар шаҳомоти хоса дорад
ДУШАНБЕ –МУАРРИФИ ТАЪРИХУ ФАРҲАНГ. Сокини пойтахт будан дар баробари ифтихор аз ҳар шахс масъулияти зиёд талаб мекунад
Бахшида ба Рӯзи пойтахти Тоҷикистон барномаҳои фарҳангӣ ва мусобиқаҳои варзишӣ доир мегарданд
Нақши пойтахт дар таҳкими давлатдории навини миллӣ муҳим арзёбӣ мегардад
Душанбе оинаи миллат ва пайвандгари таърих бо ояндаи давлат аст