Пешгӯии обуҳавошиносон: моҳи октябр дар Тоҷикистон ҳарорат аз меъёри муқаррарӣ 1 — 1,5 дараҷа паст мешавад

Октябрь 9, 2019 09:38

ДУШАНБЕ, 09.10.2019 /АМИТ «Ховар»/. Моҳи  октябр  дар Тоҷикистон ҳарорати ҳаво ба меъёри муқаррарӣ наздик ва дар баъзе ноҳияҳои кӯҳӣ то 1 — 1,5 дараҷа паст мешавад. Дар ин бора  сардори Маркази обуҳавосанҷии Агентии обуҳавошиносии  Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева ба АМИТ «Ховар» хабар дод.

Бино ба иттилои номбурда, моҳи октябр дар вилояти Хатлон ва водиҳои тобеи марказ ҳарорат тибқи меъёри муқаррарӣ мешавад. Дар ин моҳ гармии миёнаи ҳаво 13-15 дараҷаро ташкил медиҳад. Дар  водиҳо ҳаво шабона 7-12 ва рӯзона 23-28 дараҷа гарм пешбинӣ шудааст. Танҳо  даҳаи дуюм ва сеюми моҳи октябр  эҳтимоли пастшави ҳарорати ҳаво ва то 12-17 дараҷа расидани он дар назар аст.   Дар даҳаи якум ва охири моҳи октябр боришоти гуногун ба амал меоянд, ки аз меъёри муқаррарӣ камтар  мебошанд.

Дар вилояти Суғд ҳарорат наздик ба меъёри муқаррарӣ  буда, дар водиҳо 11-14 дараҷаро ташкил медиҳад. Умуман  ҳарорат давоми моҳ тағйирёбанда буда, шабона ҳаво аз 7-12 то 4-9 ва рӯзона  аз 18-23 то 14-19 дараҷа гармӣ дар назар дошта шудааст. Миқдори боришот низ дар  Суғд тибқи меъёри муқаррарӣ ва дар баъзе  ноҳияҳои кӯҳӣ аз меъёр каму беш зиёдтар пешбинӣ шудааст. Эҳтимоли шиддат гирифтани шамол дар рӯзҳои алоҳида дар назар буда, то 12-17 метр дар як сония мевазад.

Дар қисматҳои кӯҳии ноҳияҳои тобеи марказ ва ғарби Вилояти Мухтори Кӯҳистони Бадахшон ҳаво аз рӯи меъёр 1-1,5  дараҷа сард мешавад.  Давоми моҳи октябр ҳарорат дар қисматҳои кӯҳии ноҳияҳои тобеи марказ ва ғарби вилояти Бадахшон  тағйрёбанда буда, шабона аз 5-10  то 0-5 дараҷаро ташкил медиҳад.

Рӯзона ҳаво аз 15-20 то 10 -15 дараҷа гарм мешавад.  Дар ин давра дар ин минтақаҳо миқдори боришот   зиёдтар пешбинӣ шудааст.

Октябрь 9, 2019 09:38

Хабарҳои дигари ин бахш

Оқибатҳои офати табиӣ дар шоҳроҳи байналмилалии «Душанбе–Турсунзода» бартараф мегарданд
Борону селҳои шабонарӯзи гузашта сабаби харобиҳо дар минтақаҳои Тоҷикистон шуданд
Дар ноҳияи Ашт иштирокчиёни Ҷанги дуюми ҷаҳониро аёдат намуданд
Туҳфаҳои Пешвои миллат ба иштирокчиёни Ҷанги дуюми ҷаҳонии шаҳри Ҳисор расонида шуданд
ДАЪВАТИ БАҲОРӢ-2022. Касонеро, ки аз хизмати аскарӣ саркашӣ мекунанд, чӣ интизор аст: посухи ҳуқуқшинос
ИМРӮЗ — РӮЗИ БАЙНАЛМИЛАЛИИ МОМОДОЯҲО: Беш аз 95 дарсади кӯдакон дар Тоҷикистон бо кумаки табибон ё момодояҳо таваллуд мешаванд
Ба собиқадорони Ҷанги дуюми ҷаҳонии шаҳри Турсунзода кумакпулии Пешвои миллат супорида шуд
ИМРӮЗ – РӮЗИ БАЙНАЛМИЛАЛИИ МУБОРИЗА БАРОИ ҲУҚУҚИ МАЪЮБОН. Дар Тоҷикистон «Барномаи миллии тавонбахшии маъюбон барои солҳои 2017-2025» қабул шудааст
ПЕШГИРИИ ОҚИБАТҲОИ ОФАТҲОИ ТАБИӢ. Дар шаҳру ноҳияҳои Тоҷикистон корҳои соҳилмустаҳкамкунӣ мегузаронанд
«ҲИМОЯИ АРЗИШҲОИ МИЛЛӢ ДАР РАВАНДИ ҶАҲОНИШАВӢ». Дар ноҳияи Фархор дар ин мавзӯъ бо сокинону фаъолон вохӯрӣ доир гардид
«МУБОДИЛАИ ЭЛЕКТРОНИИ ҲУҶҶАТҲО ДАР МАҚОМОТИ ДАВЛАТӢ». Аз рӯи ин барнома хизматчиёни давлатӣ такмили ихтисос мекунанд
АХБОР БАРОИ АФКОР. Дар Узбекистон дар 77 кӯдак бемории генетикии нодир ошкор шуд