Рӯзҳои фарҳангии Давлатии Кувайт дар Ҷумҳурии Тоҷикистон ба анҷом расиданд
ДУШАНБЕ, 21.10.2019 /АМИТ «Ховар»/. 18 октябр дар Ҷумҳурии Тоҷикистон Рӯзҳои фарҳангии Давлати Кувайт, ки бори нахуст дар мамлакати мо бо мақсади таҳкими робитаҳои фарҳангии ду давлат баргузор гардиданд, анҷом ёфтанд.
Рӯзҳои фарҳангии Давлати Кувайт 15 октябр шурӯъ гардида буданд. Дар ин муддат барномаҳои консертӣ дар шаҳрҳои Душанбе, Норак ва ноҳияи Варзоб доир шуданд. Ба ин барномаҳо ҳамчунин намоиши расмҳо ва аксҳо, намоиши филми мустанад дар Театри давлати академии опера ва балети ба номи С. Айнӣ, базми шеъру намоиши китоб дар Донишгоҳи миллии Тоҷикистон ва барномаҳои консертӣ ҳамроҳ буданд. Ҳайати Рӯзҳои фарҳангӣ аз мавзеъҳои ҷолиби мамлакат, аз қабили Осорхонаи миллии Тоҷикистон, Китобхонаи миллии Тоҷикистон, Неругоҳи барқи обии «Норак» ва мавзеъҳои дилрабои Варзоб дидан намуданд.
18 октябр ҳайати Рӯзҳои фарҳангӣ бо роҳбарии муовини Дабири кулли Шӯрои миллии фарҳанг, адабиёт ва санъати Давлати Кувайт Бадр ал-Дувайшӣ ба ноҳияи Варзоб сафар намуд.
Меҳмононро дар назди Қасри фарҳанги ноҳияи Варзоб раиси ноҳия Муҳаммадулло Шерализода ва аҳли фарҳанг бо садои мусиқӣ пешвоз гирифтанд. Дар даромадгоҳи Қасри фарҳанг намоиши ҳунарҳои мардумӣ, дастранҷи кадбонувони ноҳи- маҳсулоти гулдӯзӣ ва зардӯзӣ ба маъраз гузошта шуда буд.
Тавре раиси ноҳияи Варзоб Муҳаммадулло Шерализода иброз дошт, «имрӯз ба сокинони ноҳияи Варзоб, ки як гӯшаи зебоманзари Тоҷикистон аст, муяссар гардид, ки дар фазои сулҳу суботи мамлакат намояндагони давлати ба мо дӯсту бародари Кувайтро, ки бо роҳбарии муовини Дабири кулли Шӯрои миллии фарҳанг, адабиёт ва санъати давлати Қувайт Бадр ал-Дувайшӣ дар Ҷумҳурии Тоҷикистон қарор доранд, бо хушнудӣ истиқбол гиранд. Маҳз чунин робитаҳои дӯстона имкон фароҳам меоранд, ки давлатҳою мардумон дар фазои сулҳу ором зиндагӣ намоянд».
Сипас барномаи дилнишини консертии ҳунарпешаҳои кувайтӣ манзури сокинони ноҳияи Варзоб гардид.
Давоми сафари хеш меҳмонон аз мавзеъҳои сайёҳии ноҳияи Варзоб, аз ҷумла Кохи Малика дидан намуда, мафтуни табиати нотакрор, дараи афсонавӣ ва осмони софу обҳои ҷории давлати мо гардиданд.
Дар Душанбе рӯзҳои фарҳанги вилоятҳои Хатлону Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
Дар Душанбе Рӯзи фарҳанги ноҳияи Муъминобод шукуҳманд баргузор гардид
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
