«Террористон» маҳв гардиданд. Дар Ишкошим машқҳои фармондеҳии Ситоди мудофиаи гражданӣ сурат гирифтанд

Октябрь 30, 2019 11:18

ХОРУҒ, 30.10.2019 /АМИТ «Ховар»/. Дар маркази ноҳияи Ишкошим бо ширкати гурӯҳи кории Раёсати Кумитаи ҳолатҳои фавқулода ва мудофиаи гражданӣ дар Вилояти Мухтори Кӯҳистони Бадахшон  машқҳои фармондеҳии Ситоди мудофиаи гражданӣ зери унвони «Амали ҳайати роҳбарикунанда  ва қувваю воситаҳои мудофиаи гражданӣ ҳангоми эълон намудани дараҷаи омодагии мудофиаи гражданӣ  дар ҳолатҳои фавқулода»  баргузор гардид.

Сардори шуъбаи ҳифзи аҳолӣ ва ҳудудии  Раёсати Кумитаи ҳолатҳои фавқулода ва мудофиаи гражданӣ Шӯҳрат Шоисматов гуфт, ки «машқҳои мазкур панҷ рӯз идома ёфтанд ва  мақсади он пешгирӣ ва рафъи оқибатҳои ногаҳонӣ дар марз мебошад. Бадахшони Тоҷикистон бо Бадахшони Афғонистон марзи тӯлонӣ дорад ва ронда шудани гурӯҳҳои ба номи Давлати исломӣ аз хоки давлати Сурия  ва пайдо гаштани баъзе аз ин гурӯҳҳо дар хоки кишвари ҳамсоя ҳар як сокини манотиқи марзиро водор месозад, ки ба ҳифзи марзу бум ҳамеша омода бошад. Аз ин рӯ дар машқҳои мазкур дар баробари сохторҳои марбутаи давлатӣ, ҳамчунин сокинони маҳалӣ ширкат варзиданд».

Машқҳои назариявию амалиётӣ дар се марҳила баргузор гардиданд. Даври аввал бо санҷиши ҳолати омодагии мудофиаи гаражданӣ,  системаи ягонаи давлатӣ оид ба пешгирӣ ва рафъи окибатҳои ҳолатҳои фавкулода оғоз ёфта, дар марҳилаи дуюм  аъзои комиссияҳои мудофиаи гражданӣ, хадамот ва ҷамоатҳои деҳоти ноҳия бевосита ширкат доштанд. Ин сохторҳои давлатӣ пас аз садо додани  бонги изтироб дар муҳлату макони муайяншуда  гирди ҳам омада, баъди гирифтани супоришҳои махсус  ба амалиёт шурӯъ мекунанд. Машқҳо хеле муташаккилона гузашта, тамоми сохторҳои  давлатию ҷамъиятӣ ва сокинони маҳалӣ вазифаву уҳдадориҳои ба зимма доштаро мутобиқ ба меъёрҳои мавҷуда иҷро намуданд.

Зимни машқҳо маҳали зисти террористони эҳтимолӣ зуд муайян гардида, баъди даргирии кӯтоҳмуддат ҳамаашон муҳосира ва боздошт шуданд.

Баъди анҷоми машқҳо ба як гурӯҳ кормандони фаъол ифтихорномаҳои Кумитаи ҳолатҳои фавқулода ва мудофиаи граждании Ҷумҳурии Тоҷикистон тақдим гардиданд.

Октябрь 30, 2019 11:18

Хабарҳои дигари ин бахш

Дар Душанбе амалиёти шартии «Тасмаи бехатарӣ» ва «Скутер» оғоз шуд
Низомиёни тоҷик дар тамринҳои «Марз-2025» иштирок доранд
Ҳаракати ҳама гуна воситаҳои нақлиёт дар баъзе кӯчаҳои шаҳри Душанбе муваққатан қатъ мегардад
Дар Душанбе ҷаласаи Шурои байнидавлатӣ оид ба ҳолатҳои фавқулодаи ИДМ доир мешавад
Дар Вазорати мудофиаи Тоҷикистон вобаста ба муқовимат бо коррупсия ҳамоиш доир гардид
Тоҷикистон ва Амрико ҳамкориро дар самти таҳдидҳои замони муосир тақвият медиҳанд
Котиби Шурои амнияти Ҷумҳурии Тоҷикистон бо Сафири Британияи Кабир мулоқот намуд
ИСТИҚЛОЛИЯТИ ДАВЛАТӢ — ПОЙДЕВОРИ АРТИШИ МИЛЛӢ. Ба ифтихори 34-солагии Истиқлолияти давлатии Ҷумҳурии Тоҷикистон
Эмомалӣ Раҳмон: «Имрӯз хизмат дар сафи Гвардияи миллӣ боиси ифтихори ҳар ҷавони ватандӯсту ватанпарвар мебошад»
Нигоҳе ба 30 соли Гвардияи миллӣ дар роҳи ҳифз ва таҳкими истиқлоли давлатӣ
Имсол ба фаъолияти Гвардияи миллии Ҷумҳурии Тоҷикистон 30 сол пур шуд
Дар Вазорати корҳои дохилӣ бахшида ба 34-солагии Истиқлоли давлатӣ ҳамоиши идона доир гардид