Баҳодур Усмонов дар Мусобиқаи байналмилалӣ оид ба бокс медали тилло ба даст овард
ДУШАНБЕ, 26.11.2019 /АМИТ «Ховар»/. Варзишгари тоҷик Баҳодур Усмонов дар Мусобиқаи байналмилалӣ оид ба бокс, ки дар Ҷумҳурии Қазоқистон ба хотираи Шокир Болтеулу доир шуд, соҳиби медали тилло гардид.
Мусобиқаи байналмилалӣ аз 21 то 24 ноябр дар шаҳри Актауи Қазоқистон баргузор шуда, дар он беш аз 70 нафар варзишгарон аз ҷумҳуриҳои Қазоқистон, Қирғизистон, Тоҷикистон, Туркия, Ӯзбекистон ва Россия иштирок намуданд.
Баҳодур Усмонов дар вазни 63 кг дар даври аввал бар Темирлан Кенирбаев, сипас бар Бағдат Увайдаев, дар нимфинал бар Зокир Сафиуллин ва дар финал бар Эртуган Зайнулинов (ҳама аз кишвари мизбон) ғалаба карда, соҳиби ҷойи аввал шуд.
Варзишгари дигари ҷумҳурӣ Иззатулло Алиев бо вазни 52 кг дар даври аввал аз ҳарифи қазоқаш Куаниш Дуйсебай мағлуб гардид.
Ёдовар мешавем, ки ин шашумин медали Баҳодур Усмонов дар соли 2019 мебошад.
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
Варзишгарони тоҷик ба хазинаи варзишии Тоҷикистон 278 медал ворид намуданд
Варзишгари Тоҷикистон дар мусобиқаи байналмилалии теннис соҳиби ду медали тилло шуд
Дар шаш моҳи соли 2026 варзишгарони вилояти Хатлон беш аз 1000 медал ба даст оварданд
Бахшида ба 35-солагии Истиқлоли давлатӣ дар ноҳияи Данғара мусобиқаи гӯштини миллӣ баргузор гардид
Соли 2027 дар Душанбе Чемпионати Осиё оид ба акробатикаи варзишӣ баргузор мешавад
Дар Мусобиқаи байналмилалии «Lausanne Grand Slam-2026» оид ба гӯштини ҷудо аз Тоҷикистон 14 нафар иштирок менамояд
Душанбе мизбони ҷаласаҳои Федератсияи ҷаҳонии гимнастика гардид
Ҳамкории Ҷумҳурии Тоҷикистон ва Муғулистон дар доираи Ёддошти тафоҳум густариш меёбад
Дастаи духтаронаи Тоҷикистон (U-17) дар марҳилаи интихобии Ҷоми Осиё-2027 бо Кореяи Ҷанубӣ, Урдун ва АМА ҳамгурӯҳ гардид
Доварони футболи Тоҷикистон омодагиро ба қисми дуюми мавсим оғоз намуданд
