Дар минтақаи Кӯлоб 26 номгӯй дорувории муҳлаташ гузашта аз муомилот гирифта шуд
ДУШАНБЕ, 04.11.2019 /АМИТ «Ховар»/. Кормандони Раёсати Хадамоти назорати давлатии тандурустӣ ва ҳифзи иҷтимоии аҳолӣ дар минтақаи Кӯлоб ҷиҳати ошкор ва аз муомилот гирифтани доруҳои муҳлати истеъмолашон гузашта ё пастсифат тадбирҳои зарурӣ меандешанд.
Тавре сардори Раёсати Хадамоти назорати давлатии тандурустӣ ва ҳифзи иҷтимоии аҳолии минтақаи Кӯлоб Тавар Ёқубов ба хабарнигори АМИТ «Ховар» иттилоъ дод, феълан дар минтақаи Кӯлоб 282 муассисаи фармасевтӣ ба қайд гирифта шудаанд. Аз ин рақам ба шаҳри Кӯлоб — 90, ноҳияи Восеъ — 48, ноҳияи Фархор — 40, ноҳияи Балҷувон – 3, ноҳияи Темурмалик – 8, ноҳияи Ховалинг – 16, ноҳияи Ҳамадонӣ – 32, ноҳияи Данғара – 27, ноҳияи Муъминобод – 9 ва ба ноҳияи Шамсиддини Шоҳин 9 адад рост меояд.
Мавсуф зикр кард, ки дар нуҳ моҳи соли равон ҳангоми гузаронидани санҷиш аз муассисаҳои фармасевтии дар минтақаи Кӯлоб фаъолияткунанда 34 номгӯй маводи доруворӣ ва молҳои тиббӣ ба андозаи 712 адад, 26 номгӯй дорувории муҳлати истифодаашон гузашта ба миқдори 547 адад аз муомилот гирифта шуданд. Ҳамчунин 8 номгӯй маводи дорувории бе сертификати мутобиқат ба миқдори 165 адад ошкор гардид.
«Дар 9 моҳи соли 2019 аз ҷониби мутахассисони Раёсат дар самти фаъолияти фармасевтӣ аз дорухонаҳо ва муассисаҳои табобатию пешгирикунанда 87 номгӯй доруворӣ ба миқдори 131 адад, ки муҳлати истифодаашон гузашта ва бе сертификати сифат буданд, аз муомилот гирифта шуд»,- изҳор дошт сармутахассиси Раёсати Хадамоти назорати давлатии тандурустӣ ва ҳифзи иҷтимоии аҳолии минтақаи Кӯлоб Бахтиёр Зулфалиев.
Гуфта шуд, ки дар 9 моҳи соли равон 1 тоннаю 135 кг маводи дорувории тиббии муҳлати истифодаашон гузашта тариқи сӯзонидан нобуд карда шуд.
Ба иттилои Б. Зулфалиев, дар ин давра аз ҷониби беморхона ва дорухонаҳое, ки дар минтақаи Кӯлоб фаъолият мекунанд, ба миқдори 24 ҳазору 26 адад ё 611 номгӯй дорувории муҳлати истеъмолашон гузашта барои безарар гардонидан ба Раёсати хадамот супорида шуд.
Кормандони Раёсати Хадамоти назорати давлатии тандурустӣ дар минтақаи Кӯлоб ҳангоми гузаронидани санҷиш нисбат ба шахсони ҳуқуқӣ ва воқеии муассисаҳои фармасевтии дар минтақа фаъолияткунанда ба маблағи 47 ҳазору 960 сомонӣ 20 парвандаи ҳуқуқвайронкунии маъмурӣ тартиб доданд.
Тибқи талаботи Кодекси ҳуқуқвайронкунии маъмурии Ҷумҳурии Тоҷикистон нафарони мазкур ҷарима баста шуданд.
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
