Милитсияи вилояти Суғд бо фаъолияти фаврӣ-хизматии намунавӣ эътимоди аҳолиро соҳиб гардидааст-бардошт аз ҳамоиши идона
ДУШАНБЕ, 09.11.2019 /АМИТ «Ховар»/. 8 ноябр ба муносибати Рӯзи кормандони милитсия дар «Кохи Рӯдакӣ»-и шаҳри Хуҷанд ҳамоиши идона баргузор гардид. Дар он Раиси вилояти Суғд Раҷаббой Аҳмадзода, муовини Вазири корҳои дохилӣ, генерал-майори милитсия Абдулло Навҷувонов, роҳбарияти мақомоти ҳифзи ҳуқуқ, сохторҳои қудратии вилоят, собиқадорони соҳа ва доираи васеи кормандони милитсия аз 18 шаҳру ноҳияҳои минтақа иштирок намуданд. Дар ин бора ба АМИТ «Ховар» аз хадамоти матбуоти Раиси вилояти Суғд хабар доданд.
Раҷаббой Аҳмадзода бо паёми табрикӣ ҳамоишро оғоз намуда, таҷлили тантанавии Рӯзи кормандони милитсияро нишонаи таваҷҷуҳи роҳбарияти Ҳукумати мамлакат, аз ҷумла Пешвои миллат муҳтарам Эмомалӣ Раҳмон нисбат ба мақомоти корҳои дохилӣ унвон кард. Номбурда ҳамчунин зикр намуд, ки мардум дар чеҳраи милитсия симои давлатро мебинанд ва имрӯзҳо кормандони мақомот, аз ҷумла милитсияи вилояти Суғд бо фаъолияти фаврӣ-хизматии намунавӣ боварию эътиқоди аҳолиро нисбат ба ниҳодҳои давлатӣ бештар намуда, дар иҷрои рисолати касбӣ нақши муассир доранд.
Муовини Вазири корҳои дохилӣ, генерал — майори милитсия Абдулло Навҷувонов дар маърӯзаи худ аз дастгириву ғамхории пайвастаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сухан гуфта, баён дошт, ки имрӯз мақомоти корҳои дохилӣ ба ниҳоди боэътимод, кафили амнияти дохилии мамлакат ва фаъолтарин сохтори қудратии давлат мубаддал гардидааст. Сиёсати бунёдкоронаи Сарвари давлат шароити арзандаи корӣ фароҳам оварда, биноҳои маъмурӣ, иншооти хизмативу фароғатӣ бунёд ва кормандони мақомоти милитсия аз ғамхориҳо пайваста бархурдор мешаванд.
Инчунин дар ҳамоиши мазкур бо фармони ба тасвиб расидаи Вазорати корҳои дохилӣ ва Раёсати он дар вилояти Суғд ба 126 нафар кормандони амалии мақомоти милитсияи вилояти Суғд медалу нишонҳои соҳавӣ, рутбаи навбатӣ, сипосномаву ифтихорнома тақдим карда шуданд.
Дар қисмати фарҳангии ҳамоиш аҳли фарҳанг бо таронаҳои марғуби тараннумкунандаи сулҳу ваҳдат ва Ватан-Модар хотири аҳли нишастро шод гардониданд.
35 СОЛИ СОЗАНДАГӢ. Истиқлолияти давлатӣ барои рушди иқтисодию иҷтимоии Вилояти Мухтори Кӯҳистони Бадахшон имконоти нав фароҳам овард
Дар Агентии суғуртаи иҷтимоӣ ва нафақа бахшида ба 35-солагии Истиқлоли давлатӣ ҳамоиши бошукуҳ доир шуд
Дар ҷашни 35-солагии Истиқлолияти Тоҷикистон дар Ҳисор муовини Сарвазири мамлакат ва меҳмонон аз Узбекистон иштирок намуданд
Бунафша Файзиддинзода: «Дар солҳои соҳибистиқлолӣ зани тоҷик ба неруи фаъоли рушди ҷомеа табдил ёфт»
Ҳамкории ноҳияи Ёвони Тоҷикистон бо ноҳияи Уздаи Беларус тақвият меёбад
Дар Хатлон хизматчиёни давлатӣ ва кормандони соҳаҳои гуногун бо мукофотҳои давлатӣ сарфароз гардонида шуданд
Маҳкам Маҳмудзода: «Истиқлоли давлатӣ дастоварди волотарини давлати тоҷикон маҳсуб мешавад»
Дар вилояти Хатлон бо иштироки беш аз 50 ҳазор нафар роҳпаймоии идона доир шуд
Дар Бадахшон бахшида ба 35–солагии Истиқлоли давлатӣ гузашти низомӣ ва роҳпаймоии оммавӣ доир гардид
Филми «Пешво аз қалби мардум» дар байни тамошобинон маҳбубияти зиёд пайдо намуд
НАҚШИ ПЕШВОИ МИЛЛАТ МУҲТАРАМ ЭМОМАЛӢ РАҲМОН ДАР ЭҲЁИ ДАВЛАТСОЗИИ МИЛЛӢ. Мулоҳизаҳо дар ин маврид
Як зумра кормандони гуногункасб, хизматчиёни давлатӣ ва рӯзноманигорон бо мукофотҳои давлатӣ қадрдонӣ гардиданд
