Президент — ҳомии Конститутсия ва қонунҳо-бардошт аз ҷамъомади идона дар Кумитаи рушди маҳал

Ноябрь 15, 2019 12:20

ДУШАНБЕ, 15.11.2019 /АМИТ «Ховар»/.  Дар Кумитаи рушди маҳали назди Президенти Ҷумҳурии Тоҷикистон 14 ноябр бахшида ба Рӯзи Президент ҷамъомад баргузор гардид.

Раиси Кумита Қосим Роҳбар тамоми кормандони Кумитаро бо ин рӯзи фархунда   табрик намуда, гуфт, ки “Президент ҳомии Конститутсия ва қонунҳо, ҳуқуқу озодиҳои инсон ва шаҳрванд, кафили истиқлолияти миллӣ, ягонагӣ ва тамомияти арзӣ, пойдориву бардавомии давлат, мураттабии фаъолияти мақомоти давлатӣ ва ҳамкории онҳо, риояи шартномаҳои байналмилалии Тоҷикистон мебошад. Дар марҳилаҳои тақдирсози таърихӣ барои давлатдорӣ шахсиятҳое пайдо мешаванд, ки миллату кишварҳоро аз маҳву парокандагӣ эмин нигоҳ медоранд. Чунин шахсият дар таърихи давлатдории навини Тоҷикистон Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба шумор мераванд. Сарвари давлат шахсиятест, ки бо дилу иродаи бузург соҳиби эҳтирому ифтихори ҳамагон гардидааст”.

Раиси Кумита Қосим Роҳбар иброз дошт, ки идоракунии шакли президентӣ ба мо барои муътадил нигоҳ доштани вазъи сиёсӣ ва ҳуқуқӣ, бунёди давлати соҳибистиқлоли Тоҷикистон, сулҳ ва ваҳдати миллӣ, тақвияти асосҳои сохтори конститутсионии Ҷумҳурии Тоҷикистон, истиқлолияти давлатӣ ва тамомияти арзӣ, якпорчагии Ватан, суботу пойдории давлати Тоҷикистон, таҳкими демократия, таъмини рушди иқтисодӣ, иҷтимоӣ ва фарҳангӣ, ҳифзи арзишҳои таърихии давлатдории миллӣ, фароҳам овардани шароити зиндагии арзанда ва инкишофи озодона барои ҳар як инсон мусоидат намуд.

Дар фарҷоми ҷамъомад Раиси Кумита Қосим Роҳбар ба кормандони Кумита китоби тозанашри “Тулӯи ҳақиқат”-ро, ки аз ҷониби Академияи илмҳои Ҷумҳурии Тоҷикистон  ба нашр расидааст, тақдим намуд.

Гуфта шуд, ки дар ин китоб сухан аз осори илмиву таърихӣ, адабиву фарҳангии Сарвари давлат меравад, ки дар солҳои гуногун ба табъ расидаанд. Олимону донишмандони маъруф дар бораи арзиши баланди ин китоб назари хешро баён кардаанд ва он барои аҳли ҷомеаю доираи васеи хонандагон муфид мебошад.

Ноябрь 15, 2019 12:20

Хабарҳои дигари ин бахш

Дар доираи «Барномаи омодасозии мутахассисон аз ҳисоби ҷавонон барои соҳаҳои иқтисодиёт» беш аз 41 ҳазор нафар бо ҷойи кор таъмин гардид
Дар Вазорати адлияи Тоҷикистон бахшида ба Рӯзи Парчами давлатӣ ҳамоиши илмӣ доир шуд
Дар шаш муассисаи тиббии шаҳри Душанбе барномаи рақамии «eTib» фаъол гардид
Вазири меҳнат, муҳоҷират ва шуғли аҳолии Тоҷикистон дар Конфронси Вена оид ба муҳоҷират иштирок намуд
Дар Душанбе бахшида ба татбиқи Ёддошти тафоҳум дар соҳаи тандурустӣ байни Тоҷикистон ва Амрико чорабинӣ баргузор шуд
Барномаи ҳамкорӣ байни Хадамоти иҷрои Тоҷикистон ва Бюрои иҷрои маҷбурии Узбекистон ба имзо расид
Конгресси байналмилалии «Инсон ва дору» баргузор гардид
Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид