Рӯзи Президенти Тоҷикистон барои миллати тоҷик ҷашни баҳамоӣ, саодату сарбаландӣ ва фатҳу зафар аст
ДУШАНБЕ, 16.11.2019 /АМИТ «Ховар»/. 16 ноябр бахшида ба Рӯзи Президенти Ҷумҳурии Тоҷикистон дар шаҳри Душанбе таҳти унвони «Президенти мо – ифтихори мо» ҳамоиши ҷумҳуриявии ҷавонон доир гардид.
Дар кори ҳамоиш Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода, сардори Раёсати рушди маҳали Дастгоҳи иҷроияи Президенти Ҷумҳурии Тоҷикистон Маликшо Неъматов, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода, муовини Раиси шаҳри Душанбе Мавсума Муинӣ, Вазири маориф ва илми Ҷумҳурии Тоҷикистон Нуриддин Саид, Раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода, Раиси Кумитаи кор бо занон ва оилаи назди Ҳукумати Ҷумҳурии Тоҷикистон Идигул Қосимзод, муовини Вазири мудофиаи Ҷумҳурии Тоҷикистон Асрор Латифзода, намояндаи Вазорати корҳои дохилии Ҷумҳурии Тоҷикистон, беш аз 6 ҳазор нафар ҷавонони касбу кори гуногун, аз ҷумла гирандагони стипендия ва квотаҳои президентӣ, ғолибони озмунҳои ҷумҳуриявию байналмилалӣ, ҷоизадорони ба номи Исмоили Сомонӣ, варзишгарони маъруф ва сарбозону афсарони вазорату идораҳои қудратии мамлакат иштирок намуданд.
Дар ҳамоиш Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ҳозиринро бо Рӯзи Президенти Ҷумҳурии Тоҷикистон табрик карда, зикр намуд, ки таҷлили Рӯзи Президенти Ҷумҳурии Тоҷикистон барои миллати тоҷик рӯзи баҳамоӣ, саодату сарбаландӣ ва фатҳу зафар аст.
«Президенти Ҷумҳурии Тоҷикистон намунаи воқеии ҷавонону варзишгарон қарор гирифтаанд. Фаъолияти пурсамар, сиёсати созанда ва иқдоми наҷиби Пешвои миллат сармашқи фаъолияти насли ҷавон буда, онҳо бо ҳисси баланди ватандӯстӣ ва ифтихори миллӣ иброз менамоянд, ки «мо пайравони асили Пешвои муаззами миллат ҳастем ва дар пайравӣ аз сиёсати созанда ва ватанпарваронаи Президенти маҳбуби миллат талош менамоем, ки донишҳои муосирро аз худ намуда, ҳамчун фарзандони содиқи ин сарзамин ҷиҳати ҳимояи марзу буми давлатӣ ва арзишҳои миллию дастовардҳои даврони соҳибистиқлолии мамлакат талош менамоем»,- гуфт Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода.
Дар доираи ҳамоиши ҷумҳуриявии ҷавонон таҳти унвони «Президенти мо – ифтихори мо» аз номи сарбозону афсарони қисмҳои низомии мамлакат ва ҷавонону варзишгарон дар ҳамдиливу ҳамовозӣ ба Асосгузори сулҳу ваҳдати миллӣ – Певшои миллат, Президенти Ҷумҳурии Тоҷикистон муҳтарам Эмомалӣ Раҳмон муроҷиатнома қабул гардид.
Пас аз баргузории ҳамоиш барномаи фарҳангӣ бо иштироки ҳунармандони шинохта баргузор шуд.
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
