10-11 декабр дар Тоҷикистон ҳаво абрнок шуда, борон меборад
ДУШАНБЕ, 09.12.2019 /АМИТ «Ховар»/. 10-11 декабр дар қаламрави Тоҷикистон ҳаво абрнок шуда, борон меборад. Шабона дар баландиҳои зиёда аз 1200 метр боридани барф дар назар аст. Дар ин бора сардори Маркази обуҳавосанҷии Агентии обуҳавошиносӣ Ҷамила Байдуллоева ба хабарнигори АМИТ «Ховар» иттилоъ дод.
Бино ба иттилои манбаъ, моҳи декабр дар водиҳои вилояти Хатлон ва ноҳияҳои тобеи марказ ҳарорати миёна ба меъёри иқлимӣ наздик буда, ҳаво дар водиҳо 4+5 дараҷа гарм мешавад. Дар қисматҳои кӯҳии вилояти Хатлон ҳаво 2 +3 дараҷа гарм мешавад.
Дар нимаи дуюми моҳи декабр дар натиҷаи воридшавии ҳавои сард ҳарорат рӯзона дар баъзе ноҳияҳои тобеи марказ ва вилояти Хатлон 0+5 дараҷаро ташкил медиҳад. Шабона ҳаво аз 3 дараҷа хунук то 1 дараҷа гарм мешавад. Миқдори боришот тӯли моҳи декабр дар минтақаҳои мазкур тибқи меъёри муқаррарӣ буда, дар баъзе ноҳияҳои ҷанубии вилоят аз меъёри муқаррарӣ камтар пешбинӣ шудааст.
Дар вилояти Суғд низ ҳарорати ҳаво ба меъёри иқлимӣ баробар буда, танҳо дар қисматҳои кӯҳӣ ва баландкӯҳҳо 1 дараҷа паст мешавад. Аслан давоми моҳи декабр дар ин минтақа ҳарорати миёна 1+3 дараҷа гарм ва дар баландкӯҳҳо аз 1 то 6 дараҷа хунук мешавад. Дар вилояти Суғд ҳаво тағйирёбанда шуда, танҳо рӯзҳои алоҳида боридани борон ва дар қисматҳои кӯҳӣ барф дар назар дошта шудааст. Хусусан боридани боришот дар нимаи дуюм ва сеюми моҳи декабр пешбинӣ шудааст. Ҳарорати ҳаво дар ин давра шабона 0-5 дараҷа сард ва рӯзона аз 1 дараҷа хунук то 4 дараҷа гарм мешавад. Дар қисматҳои кӯҳӣ низ ҳарорат тағйирёбанда шуда, ҳаво аз 0-5 то 7-12 дараҷа хунук ва рӯзона 3 + 8 дараҷа гарм мешавад.
Дар ноҳияҳои кӯҳии тобеи марказ ва ғарби вилояти Мухтори Кӯҳистони Бадахшон ҳарорати миёнаи моҳи декабр тибқи пешбиниҳои пешакӣ 1 дараҷа аз меъёри иқлимӣ хунук мешавад. Ҳаво дар ин минтақаҳо асосан тағйирёбанда шуда, шабона ҳаво аз 3 — 8 дараҷа хунук ва дар баъзе ҳолатҳо 1 + 4 дараҷа гарм мешавад. Рӯзона ҳарорат аз 2 дараҷа хунук то 3 дараҷа гарм ва дар баъзе ҳолатҳо 2-7 дараҷа гарм мешавад.
Умед Бобозода ва Муҳаммад Рошид Ал-Амирӣ масоили ҳифзи ҳуқуқи инсонро баррасӣ намуданд
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
