Бемории зукоми шадид пешгӯӣ мешавад

Декабрь 9, 2019 09:59

ДУШАНБЕ, 09.12.2019 /АМИТ «Ховар»/. Дар асоси пешгӯии коршиносони амрикоии соҳаи тандурустӣ, паҳншавии  зуком дар зимистони солҳои 2019-2020 нисбат ба дигар давраҳои хуруҷи он дар муқоиса ба 15 соли охир метавонад хеле шадид бошад,  хабар медиҳад АМИТ «Ховар»  ба истинод ба Lenta.ru.

Далели ин гуфтаҳо он аст, ки паҳншавии васеи вирусҳои зуком чанд моҳ пештар аз давраи маъмулӣ  оғоз гардид.  Дар ин бора дар иттилоияи MedicalXpress хабар дода шудааст.

Ба ақидаи  коршиносон,   он намудҳои зуком,  ки моҳҳои март-апрел сироят мекунанд, айни ҳол сабаби гирифтор шудани одамон дар иёлоти ҷанубии ИМА гардидаанд. Ин намуди сироят  ба одамони солхӯрда, ки одатан маҳз онҳо аз ин беморӣ зиёдтар мефавтанд, хатари ҷиддӣ надорад,  вале ба саломатии кӯдакон ва нафарони аз 50-сола ҷавонтар, таҳдид мекунад.

Аллакай дар ин давлат 1,7 миллион ҳолати гирифторӣ ба зуком қайд шуда, 16 ҳазор нафар дар беморхонаҳо бистарианд ва шумораи фавтидагон ба 900 нафар расидааст. Табларза,  қайкунӣ  ва  дарунравӣ   нишонаҳои ин беморӣ мебошанд. Дар мавсими қаблии зуком, ки бо вуҷуди тӯлонӣ буданаш нисбатан мӯътадил буд, 49 ҳазор нафар фавтида, 590 ҳазор каси дигар бистарӣ гардида буданд. Солҳои 2017-2018 аз бемории зукоми марговар 61 000 амрикоиҳо ҷони худро аз даст доданд.

Эҳтимол аст, ки мавсими авҷи зуком ба ин моҳ рост ояд, ки ин ғайримуқаррарӣ ва барвақт хоҳад буд. Авҷи бемории  зукомро одатан то моҳи феврал интизор шудан мумкин аст.  Ба гуфти коршиносон, ин метавонад аз вазъи бади эпидемиологӣ дарак диҳад.

Акс аз  РИА «Новости»

Декабрь 9, 2019 09:59

Хабарҳои дигари ин бахш

Дар доираи «Барномаи омодасозии мутахассисон аз ҳисоби ҷавонон барои соҳаҳои иқтисодиёт» беш аз 41 ҳазор нафар бо ҷойи кор таъмин гардид
Дар Вазорати адлияи Тоҷикистон бахшида ба Рӯзи Парчами давлатӣ ҳамоиши илмӣ доир шуд
Дар шаш муассисаи тиббии шаҳри Душанбе барномаи рақамии «eTib» фаъол гардид
Вазири меҳнат, муҳоҷират ва шуғли аҳолии Тоҷикистон дар Конфронси Вена оид ба муҳоҷират иштирок намуд
Дар Душанбе бахшида ба татбиқи Ёддошти тафоҳум дар соҳаи тандурустӣ байни Тоҷикистон ва Амрико чорабинӣ баргузор шуд
Барномаи ҳамкорӣ байни Хадамоти иҷрои Тоҷикистон ва Бюрои иҷрои маҷбурии Узбекистон ба имзо расид
Конгресси байналмилалии «Инсон ва дору» баргузор гардид
Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд
Ҳамкории ҳуқуқии Тоҷикистону Чин дар Пекин баррасӣ гардид