Дар Душанбе ҷаласаи Платформаи миллии коҳиши хатари офатҳо гузаронида шуд
ДУШАНБЕ, 07.12.2019. /АМИТ «Ховар»/. Дар шаҳри Душанбе ҷаласаи Платформаи миллии коҳиши хатари офатҳо баргузор гардид. Дар ин бора АМИТ «Ховар» бо истинод ба маркази матбуоти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Ба иттилои манбаъ, дар ҷаласаи мазкур, ки 6 декабр доир шуд, муовини аввали Раиси Платформаи миллии Ҷумҳурии Тоҷикистон оид ба коҳиши хатари офатҳо, Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, генерал-лейтенант Рустам Назарзода, аъзои Платформаи миллӣ ва шарикони рушд иштирок намуданд.
Дар ҷаласа масъалаҳои вобаста ба гузаронидани чорабиниҳо оид ба омодагии хадамоти роҳу нақлиёт ба офатҳои табиӣ дар мавсими зимистон, натиҷаи маблағгузории чорабиниҳо оид ба пешгирӣ ва бартарафсозии оқибатҳои офатҳои табиӣ, натиҷаҳои таҳлилҳои муҳандисиву геологии ҷойҳои хатарнок ба равандҳои экзогенӣ ва ғайра баррасӣ шуданд.
Иштирокдорон оид ба масъалаи натиҷаҳои таҳқиқоти илмӣ дар ҷодаи бехатарии сейсмикӣ ва намудҳои нави зараррасонҳо ва лоиҳаҳои сармоягузории давлатӣ дар соҳаи коҳиши хатари офатҳо, аз ҷумла лоиҳаи Бонки Осиёии Рушд ва лоиҳаи фаромарзии Ҷамъияти Ҳилоли Аҳмар мубодилаи афкор намуданд.
Гуфта мешавад, ки дар ҷаласа ҷиҳати татбиқи Стратегияи миллии коҳиши хатари офатҳои табиӣ барои солҳои 2019-2030 ва ҷараёни татбиқи Қонуни Ҷумҳурии Тоҷикистон «Дар бораи бехатарии сейсмикӣ» лоиҳаи Барномаи миёнамуҳлати ҳифзи аҳолӣ ва ҳудуд барои солҳои 2019-2020 тасдиқ карда шуд.
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
Моҳи ноябр дар Тоҷикистон бориши борон ва ба амал омадани чангу ғубор дар назар аст
ОМОДАГӢ БА ЗИМИСТОН. Дар муассисаҳои таълимии шаҳри Ҳисор 2277 тонна ангишт захира гардидааст
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
МАСЛИҲАТИ МУТАХАССИС. Тарбуз, харбуза ва каду дар таркиби худ витамини C ва А бештар доранд
Масъалаи дастрасии аҳолии минтақаҳои дурдаст ба кумаки аввалияи тиббию санитарӣ баррасӣ шуд
