Дар Душанбе маросими ҷоизасупорӣ ба ғолибони Озмуни «Беҳтарин ҳимоятгари ҳуқуқҳои муҳоҷирон» доир гардид
ДУШАНБЕ, 19.12.2019 /АМИТ «Ховар»/. 18 декабр дар меҳмонхонаи «Hilton»-и Душанбе бахшида ба Рӯзи байналмилалии муҳоҷир (International Migrants Day) маросими ҷоизасупорӣ ба ғолибони Озмуни «Беҳтарин ҳимоятгари ҳуқуқҳои муҳоҷирон» баргузор гардид. Маросими мазкурро Вазорати меҳнат, муҳоҷират ва шуғли аҳолии Ҷумҳурии Тоҷикистон бо дастгирии Ташкилоти ҷамъиятии «Маркази ҳуқуқи инсон» дар якҷоягӣ бо Ваколатдор оид ба ҳуқуқи инсон дар Ҷумҳурии Тоҷикистон, Институти «Ҷомеаи Кушода» – Бунёди мадад дар Тоҷикистон, Созмони байналмилалии муҳоҷират, ташкилоти СММ — Занон дар Тоҷикистон доир намуд.
Тавре мухбири АМИТ «Ховар» хабар медиҳад, пеш аз оғози маросим намоиши аксҳо таҳти унвони «Муҳоҷирати меҳнатӣ аз нигоҳи муҳоҷирон» доир гардид.
Дар ҷамъомад сардори Раёсати муҳоҷирати аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон Саидасрор Саидов, сардори шуъбаи ҳифзи давлатии ҳуқуқҳои иқтисодӣ, иҷтимоӣ ва фарҳангии Ваколатдор оид ба ҳуқуқи инсон дар Ҷумҳурии Тоҷикистон Шарафҷон Раҷабов, директори Институти «Ҷомеаи кушода»- Бунёди мадад дар Тоҷикистон Илҳом Абдуллоев, роҳбари намояндагии Ташкилоти байналмилалии муҳоҷират дар Тоҷикистон Кристина Транк, роҳбари Дафтари СММ –Занон дар Тоҷикистон Азиза Ҳамидова оид ба аҳамияти озмуни мазкур дар ҳифзи ҳуқуқҳои муҳоҷирон ва дигар масъалаҳои ба он вобаста изҳори назар карданд.
Аз ҷумла, зикр гардид, ки ҳадафи озмун, пеш аз ҳама, ҳифзи ҳуқуқҳои муҳоҷирони меҳнатӣ буда, ҳамчунин ба ин восита ҷалб намудани таваҷҷуҳи намояндагони созмонҳои ҷомеаи шаҳрвандӣ ва хизматчиёни давлатӣ ба ҳифзи ҳуқуқҳои муҳоҷирон ва бартараф намудани мушкилоти онҳо мебошад.
Сипас аз ҷониби созмондиҳандагони маросим ба ғолибони Озмуни «Беҳтарин ҳимоятгари ҳуқуқҳои муҳоҷирон» ҷоиза ва туҳфаҳо супорида шуданд.
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
Дар Тоҷикистон беморони диабети қанд метавонанд инсулини ройгон дастрас намоянд
Иштирокдорони Форуми байналмилалии ҳизбҳои сиёсӣ дараи Алмосӣ ва Қалъаи Ҳисорро тамошо карданд
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
