«Ҳуқуқҳои наврасон ва ҷавонон»-ҳамоиши мақсаднок дар Душанбе
ДУШАНБЕ, 10.12.2019 /АМИТ «Ховар»/. Имрӯз бо ташаббуси Ваколатдор оид ба ҳуқуқи инсон дар Китобхонаи миллии Тоҷикистон дар мавзӯи «Ҳуқуқҳои наврасон ва ҷавонон» ҳамоиш доир гардид. Ҳамоиши мазкур ба Рӯзи байналмилалии ҳуқуқи инсон бахшида шуд.
Тавре мухбири АМИТ «Ховар» хабар медиҳад, дар кори ҳамоиш намояндагони мақомоти давлатӣ, сохторҳои ҷомеаи шаҳрвандӣ, сохторҳои СММ, Дафтари барномаҳои Созмони аният ва ҳамкорӣ дар Аврупо (САҲА) дар Душанбе ва намояндагони ВАО иштирок намуданд.
Бино ба иттилои масъулини ҷамъомад, мақсад аз таҷлили Рӯзи ҳуқуқи инсон — ин пеш аз ҳама, ба ҷомеа ва ҳар фарди он расонидани аҳамияти эҳтиром ва риояи ҳуқуқу озодиҳои инсон, нақши ҳуқуқи инсон дар таҳким ва рушди ҷомеа ва ҳаёти ҳар нафар, инчунин ҷалби диққати одамони тамоми дунё ба Эъломияи умумии ҳуқуқи башар ҳамчун ба ормони муштарак барои тамоми инсоният ва халқҳо мебошад.
Аз ҷониби иштирокчиён зикр гардид, ки Ҷумҳурии Тоҷикистон ба сифати қисми ҷудонопазири ҷомеаи ҷаҳонӣ аз рӯзҳои аввали соҳибистиқлол гаштани худ Эъломияи умумии ҳуқуқи башарро эътироф намуда, аксари санадҳои байналмилалии соҳаи ҳуқуқи инсонро ба тасвиб расонид.
Ёдовар мешавем, ки ҳамасола 10 декабр дар тамоми ҷаҳон Рӯзи байналмилалии ҳуқуқи инсон таҷлил мешавад. Таърихи ин рӯз ба рӯзи қабули Эъломияи умумии ҳуқуқи инсон, ки 10 декабри соли 1948 дар шаҳри Парижи Франсия қабул гардида буд, вобаста аст. Нақши санади мазкур барои инсоният дар даврони имрӯза хеле муҳим ва назаррас мебошад. Ҳар сол Рӯзи ҳуқуқи инсон ба мавзӯи муайяне бахшида мешавад. Имсол ин рӯз ба ҳуқуқҳои наврасону ҷавонон бахшида шудааст, ки асоси онро 30 — солагии қабули Конвенсияи СММ оид ба ҳуқуқи кӯдак ташкил медиҳад.
Бо риояи қоидаҳои одӣ худро аз таъсири гармӣ муҳофизат намоед
Дар ноҳияи Зафаробод агрегати нави пойгоҳи обкашии «Мирзочӯл-2» ба истифода дода шуд
Дар басти якуми истироҳатгоҳи «Ширкент» зиёда аз 320 нафар кӯдакону наврасон ба истироҳати бофароғат ҷалб гардиданд
Доир ба хатари сиёсисозии дини ислом ба амнияту суботи давлат ва ҷомеа конференсияи илмӣ-амалӣ баргузор гардид
Вазирони тандурустии давлатҳои аъзои ТУТ масъалаи муқовимат ба ҳолатҳои фавқулодаро баррасӣ намуданд
Дар Фаронса дастовардҳои Тоҷикистон дар самти ислоҳоти судӣ — ҳуқуқӣ муаррифӣ гардид
ИМРӮЗ–РӮЗИ ТАЪСИСИ БОЗРАСИИ ДАВЛАТИИ АВТОМОБИЛӢ. Амнияти ҳаракат дар роҳ самти асосии фаъолияти ин мақомот мебошад
Дар моҳи июл Тоҷикистонро чӣ гуна ҳаво интизор аст?
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
