Асали тоҷик ва оби «Сиёма» дар Намоишгоҳи байналмилалии «Ноrti-Ехро» дар Покистон муаррифӣ гардиданд
ДУШАНБЕ, 30.01.2020 /АМИТ «Ховар»/. Бо мусоидати Палатаи савдо ва саноати Ҷумҳурии Тоҷикистон занбӯрпарвар Салим Салимов ва ширкати нӯшокиҳои ташнагишикани «Сиёма» дар Намоишгоҳи маҳсулоти кишоварзии «Ноrti-Ехро», ки дар Покистон баргузор гардид, ширкат намуданд.
Тавре аз маркази матбуоти Палатаи савдо ва саноати Ҷумҳурии Тоҷикистон ба АМИТ «Ховар» хабар доданд, дар намоишгоҳ маҳсулот ва техникаи кишоварзӣ ба намоиш гузошта шуданд. Тоҷикистон асал ва оби «Сиёма»-ро ба намоиш гузошт.
Дар доираи намоишгоҳ форуми байналмилалӣ дар мавзӯи «Рушди содироти маҳсулоти хӯрокворӣ» доир гашт, ки дар он намояндагони Тоҷикистон ширкат намуданд.
Намояндагони ширкатҳои Тоҷикистон бо мақсади содироти маҳсулоти ватанӣ бо ширкатҳои хориҷӣ, соҳибкорони Британияи Кабир, Полша, Туркия, Покистон ва Афғонистон мулоқоти судманд анҷом доданд.
Тавре занбӯриасалпарвар Салим Салимов зикр намуд, ширкат дар чунин намоишгоҳҳо барои соҳибкорон хеле манфиатбахш аст.
Ба асали тоҷик ширкатҳои Британия, Полша ва Туркия таваҷҷуҳ зоҳир намуданд. Онҳо ният доранд оид ба ҳамкорӣ дар самти содироти асал созишномаи дуҷониба банданд.
Қобили зикр аст, ки Палатаи савдо ва саноати ҷумҳурӣ барои иҷро намудани дастурҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бобати зиёд кардани ҳаҷми содироти маҳсулоти кишоварзӣ, ки ҷавобгӯи меъёрҳои экологӣ мебошад, тадбирҳои дахлдор меандешад.
Палатаи савдо ва саноати Ҷумҳурии Тоҷикистон барои иштироки соҳибкорони мамлакат дар якчанд намоишгоҳҳои байналмилалӣ ҷиҳати муаррифӣ ва пешбурди маҳсулоти ватанӣ мусоидат менамояд.
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
