Ба мутахассисони соҳаи варзиш роҳҳои мубориза бо допингро омӯзониданд
ДУШАНБЕ, 11.01.2020 /АМИТ «Ховар»/. 8-10 январ дар Кумитаи миллии олимпии Тоҷикистон бо мутахассисони соҳаи варзиш семинари омӯзишӣ доир гашт. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Семинар дар доираи Барномаи тибби варзиш ва муҳофизати варзишгарони покизаи Ҳамбастагии олимпӣ сурат гирифта, иштирокчиён масъалаҳои вобаста ба мубориза бо допингро омӯхтанд.
Ба иттилои роҳбари барнома, директори генералии Кумитаи миллии олимпии Тоҷикистон Эркин Латипов, барнома соли 2019 дар шаҳри Душанбе татбиқ шуда буд, ки беш аз 1500 нафарро фаро гирифт.
«Имсол мақсад гузоштем, ки ҳамаи шаҳру навоҳии ҷумҳуриро дар доираи барнома дар се давра ҷалб намоем. Дар даври аввал 8 нафар мутахассисони соҳа аз Кумитаи миллии олимпӣ ва Кумитаи кор бо ҷавонон ва варзиш се рӯз мавзӯъҳои гуногуни мубориза бо допингро баррасӣ карданд ва донишҳои худро пурра намуданд. Акнун онҳо дар даври дуюм дар шаҳри Душанбе барои 89 нафар мутахассисону мураббиёни муассисаҳои таълимии варзишии вилоятҳои Хатлон, Суғд ва шаҳру навоҳии тобеи марказ тренингҳои омӯзишӣ доир менамоянд. Сипас, дар даври сеюм аз ҷониби мураббиёне, ки омӯзиш мебинанд, беш аз 5000 варзишгари наврасу ҷавони мактабҳои варзишии 56 шаҳру ноҳияи кишвар бо масъалаҳои допинг ва оқибати нангини истифодаи он шинос карда хоҳанд шуд», — афзуд Э. Латипов.
Ҳамчунин, дар доираи барнома дастурамалҳои иттилоотӣ оид ба допинг нашр ва дастраси мактабҳои варзишӣ мегардад.
Мақсад аз ташкил ва баргузор кардани семинарҳои омӯзишӣ пешгирӣ намудани истифодаи доруҳо ва усулҳои мамнуъ аз ҷониби варзишгарон ва мураббиён, ҳамин тавр ҳифзи шаъну шарафи варзиши кишвар дар арсаи ҷаҳон мебошад.
Акс аз КМО Тоҷикистон
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
