Дастаи мунтахаби футзали Тоҷикистон дар Мусобиқаи байналмилалӣ дар Тайланд иштирок менамояд
ДУШАНБЕ, 06.01.2020 /АМИТ «Ховар»/. Дар доираи омодагӣ ба марҳилаи финалии Чемпионати Осиё-2020 дастаи мунтахаби футзали Тоҷикистон дар Мусобиқаи байналмилалӣ дар Тайланд иштирок намуда, дар Даммом бо дастаҳои мунтахаби Арабистони Саудӣ ва Кувайт бозиҳои рафиқона доир менамояд.
Ба иттилои сомонаи расмии Федератсияи футболи Тоҷикистон, дастаи Тоҷикистон бо роҳбарии мутахассиси даниягӣ Деян Дедович дар Мусобиқаи байналмилалии «SAT International Futsal Championship 2020», ки 2-8 феврали соли равон дар шаҳри Ҳат Йайи Тайланд баргузор мешавад, ширкат мекунад.
Дар баробари дастаи Тоҷикистон боз 5 дастаи мунтахаби дигар иштирокчии мусобиқа буда, дар ду гурӯҳи седастаӣ бозӣ мекунанд.
Баъд аз анҷоми мусобиқа дастаи футзали Тоҷикистон ба шаҳри Даммоми Саудӣ сафар намуда, бо дастаҳои мунтахаби Арабистони Саудӣ (12 феврал) ва Кувайт (13 феврал) ду бозии санҷишӣ доир менамояд.
16-умин Чемпионати Осиё оид ба футзал аз 26 феврал то 8 марти соли 2020 дар шаҳри Ашқободи Туркманистон сурат мегирад. Дастаи Тоҷикистон дар гурӯҳи «А» бо дастаҳои Туркманистон, Ветнам ва Уммон қувваозмоӣ мекунад. Тибқи натиҷаи мусобиқа, панҷ дастаи беҳтарин ба Чемпионати ҷаҳон, ки аз 12 сентябр то 4 октябр дар Литва доир мегардад, роҳхат мегиранд.
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
Бахшида ба 35-солагии Истиқлоли давлатӣ дар Нуробод иншооти нави таълимӣ, варзишӣ ва хизматрасонӣ ифтитоҳ гардид
Варзишгарони тоҷик дар Бозиҳои XX Осиёӣ иштирок менамоянд
Дар Олмон бахшида ба 35-солагии Истиқлоли давлатии Тоҷикистон мусобиқаи муштараки футбол доир шуд
Мусобиқаи байналмилалӣ оид ба теннис барои дарёфти «Ҷоми Президенти Ҷумҳурии Тоҷикистон» оғоз гардид
Дар шаҳри Ҳисор бо иштироки муовини Сарвазири Тоҷикистон ду иншооти варзишӣ ба истифода дода шуд
Дастаи мунтахаби ҷавонони Тоҷикистон (U-20) ба марҳилаи ниҳоии Ҷоми Осиё-2027 роҳ ёфт
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
