Тожикистон Республикаси Миллий хавфсизлик давлат комитети Чегара қўшинлари матбуот маркази хабар беради
ДУШАНБЕ, 10.01.2020. /АМИТ «Ховар»/. 2020 йилнинг 9 январ куни кечки пайт Боткен ноҳияси Оқсой қишлоқ кенгаши Коктош қишлоғининг ов милтиқлари билан қуролланган аҳолиси катта гуруҳи Қирғизистон Республикаси фуқароси Абдуллаев Султанбек Исмаиловичнинг уйи ёнида тўпланишиб, Тожикистон Республикаси фуқароларининг Исфара шаҳри Чоркўҳ қишлоқ кенгаши Сомониён қишлоғи йўли бўйлаб ҳаракатланишига қаршилик кўрсатишди.
Тахминан кечки соат 21:30ларда улар Хожаи Аъло қишлоғида яшовчи Азамов Зафарга тегишли «Мерседес-бенц» русумли автомашинани тошбўрон қилишди. Натижада машинанинг шишаси синди.
Қирғизистон фуқароларининг бу иғвогарона амалларига жавобан соат 00дан 10 дақиқа ўтганда Хожаи Аъло қишлоғи аҳолиси Қирғизистон Республикаси фуқаросининг автомашинасига тош улоқтиришди.
Исфара шаҳри 2-ички ишлар бўлими ва Боткен ноҳияси ички ишлар бўлими намояндалари воқеа жойига ўз вақтида етиб келишиб, вазиятни назорат остига олишди.
2020 йилнинг 10 январ куни тахминан тунги соат 2да Коктош қишлоғи аҳолиси ов милтиғидан ҳавога ўқ узишди. Аммо икки мамлакат ҳуқуқ муҳофазаси органлари ходимлари ва чегарачилари биргаликдаги ҳаракатлари билан ушбу иғвогарликнинг олди олинди.
Шунга қарамасдан, тахминан соат 4да Қирғизистон томонидан ов милтиғидан Исфара шаҳри 2-ички ишлар бўлими ходими Икромзода Фарҳоднинг шахсий автомашинасига ўқ узилди. Бахтли тасодиф туфайли унинг жони омон қолди, чунки ўқ автомашинанинг эшигига келиб тегди.
Айни пайтда мазкур чегара ноҳияда ўқ узиш тўхтатилиб, вазият назорат остида турибди. Тожикистон Республикаси ва Қирғизистон Республикаси ҳуқуқ муҳофазаси органларининг муштарак тергов гуруҳи ҳодиса сабабу омиллари ва гуноҳкорлар шахсиятини аниқлаш мақсадида текширув олиб бормоқда.
Қирғизистоннинг алоҳида фуқаролари томонидан иғвогарлик қўзғаш мақсадида ов милтиғидан фойдаланиш ҳолатларининг тез-тез мушоҳада этилаётгани алоҳида ташвиш уйғотади. Чунки улар 2019 йилнинг 29 декабрида Исфара шаҳрининг Сомониён қишлоғида яшовчи Т.Сафаровага нисбатан амалга оширилгани каби Тожикистон фуқароларининг ҳаёт ва саломатликларига бевосита таҳдид солмоқда.
Шу муносабат билан Тожикистон томони бундай ҳолатларда барча масъулият қўшни давлатнинг тегишли органлари зиммасига юкланишини билдиради.
Тожикистон Республикаси Миллий хавфсизлик давлат комитети Чегара қўшинлари матбуот маркази.
Дар Фурудгоҳи байналмилалии Душанбе мулоқоти кормандони сохторҳои масъул бо мусофирон баргузор шуд
Дар намоиш-фурӯши китоб бахшида ба Рӯзи Модар 12 000 нусха китоб пешниҳод гардид
Ба Маркази исломии Ҷумҳурии Тоҷикистон 100 нусха китоби «Ислом ва экология» тақдим гардид
Дар шаҳри Ҳисор даври шаҳрии Озмуни ҷумҳуриявии «Сад ранги чакан» баргузор шуд
Маркази саратоншиносии шаҳри Кӯлоб бо дастгоҳҳои замонавии рентгени рақамӣ таъмин гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба поси хотири оҳангсоз Шарофиддин Сайфиддинов консерти мусиқии камеравӣ баргузор шуд
Саҳм ва хизматҳои Баҳром Сироҷов дар рушди соҳаи энергетикаи Тоҷикистон назаррас аст
Интернети мобилӣ дар ҳаҷми ду маротиба бештар дастрас мешавад
Имрӯз дар Тоҷикистон бориши барф дар назар аст
Намояндагони Агентии байналмилалии неруи атомӣ бо фаъолияти муассисаҳои соҳаи тандурустии Тоҷикистон шинос шуданд
Дар Минтақаи таълимӣ-таҷрибавии «Хуррамзамин» 2200 бех ниҳоли мевадиҳанда шинонида шуд
