Қасри Сафед дар бораи нобуд сохтани саркардаи «Ал-Қоида дар нимҷазираи Араб» Қосим-ар Раҳимӣ хабар дод

ДУШАНБЕ, 07.02.2020 /АМИТ «Ховар»/. Иёлоти Муттаҳидаи Амрико ҳангоми  амалиёт дар Яман саркардаи гурӯҳи террористии  «Ал- Қоида дар нимҷазираи Араб» Қосим-ар Раҳимиро нобуд сохт. Дар ин бора дафтари матбуоти Қасри Сафед рӯзи панҷшанбе хабар дод, иттилоъ медиҳад АМИТ « Ховар» бо истинод ба ТАСС.  

«Бо фармони президенти ИМА  Доналд Трамп дар Яман амалиёти зиддитеррористӣ  анҷом ёфт. Дар натиҷа муассис ва саркардаи  гурӯҳи террористии «Ал-қоида дар нимҷазираи Араб» Қосим-ар-Раҳимӣ, ки ҳамчунин муовини роҳбари гурӯҳи «Ал-қоида» (дар Тоҷикистон мамнуъ) Айман-ал Завоҳирӣ буд, нобуд карда шуд. Ар-Раҳимӣ солҳои 90-ум, ки он замон дар Афғонистон зери дасти Усома бин Лодан кор мекард, ба гурӯҳи «Ал-қоида» пайваст»,- хабар доданд аз хадамоти матбуотӣ.

Тибқи маълумоти хадамот,  «Ал-қоида дар нимҷазираи Араб» ба шаҳрвандони осоишта ҷабру зулм карда, зидди ИМА ва неруҳои ҳарбӣ бо тарҳрезии нақшаҳои худ ҳамла карда, дигаронро ҳам  ба ин кор ташвиқ сохтааст.

Дар хадамоти матбуотӣ ҳамчунин зикр карданд, ки  аз байн бурдани   ал- Раҳимӣ «Ал- Қоида  ва «Ал-қоида дар нимҷазираи Араб» -ро заиф мегардонад.

Дар ин зимн, Қасри Сафед  кай анҷом додани амалиётро хабар надод. Мутобиқи  иттилои рӯзномаи «The New York Times»,  ИМА  дар муддати чанд моҳ ҷои зисти  ал-Раҳимиро муайян карда тавонист. Хадамоти ҷосусии ИМА моҳи ноябри соли 2019  дар бораи  макони будубоши  террорист аз як хабардиҳандаи худ дар Яман маълумот ба даст овард. Баъдтар ИМА ӯро бо кумаки   ҳавопаймои бесарнишин   ҷустуҷӯ намуд. ИМА моҳи январ  ба Яман зарба зад.