Донишгоҳи давлатии геодезӣ ва харитасозии Москва бо донишгоҳҳои Тоҷикистон ҳамкорӣ ба роҳ мемонад

ДУШАНБЕ, 25.02.2020 /АМИТ «Ховар»/.  24 феврал  аз ҷониби ректори Донишгоҳи славянии Россияву Тоҷикистон  Нуралӣ  Салихов ва ноиби ректор оид ба корҳои илмии Донишгоҳи давлатии  геодезӣ ва харитасозии Москва Алексей Степанченко  шартнома  оид ба ҳамкорӣ   ба имзо расид. Дар ин бора аз хадамоти матбуоти донишгоҳ иттилоъ доданд.

Дар ҷараёни  вохӯрӣ масъалаҳои густариши  ҳамкории тарафайн баррасӣ  шуданд.

Яке аз самтҳои фаъолияти муштарак- ин ташкил ва иштирок дар чорабиниҳои якҷояи  илмӣ-таълимӣ, мубодилаи афкори академии муаллимон, олимони  ҷавон ва  донишҷӯён  мебошад.

Донишгоҳи давлатии  геодезия ва харитасозӣ — муассисаи  олии таълимии Москва аст, ки муҳандисони геодезия,  харитасозон, наворгирандагони фазо, меъморон ва ғайраҳоро  омода месозад.

Донишгоҳ соли 1930 дар натиҷаи  навсозии Институти заминсозӣ дар Москва таъсис ёфтааст. Он дар заминаи шуъбаи геодезӣ Институти геодезии Москва таъсис гардид.